آئینی بینچ کو نہیں مانتے یہاں ڈکٹیٹر شپ ہو رہی ہے، حامد خان

پاکستان تحریک انصاف ( پی ٹی آئی) کے رہنما حامد خان کا کہنا ہے کہ یہاں ڈکٹیٹر شپ ہو رہی ہے ہم کسی آئینی بینچ کو نہیں مانتے۔ لاہور میں میڈیا سے گفتگو میں پی ٹی آئی رہنما حامد خان نے کہا کہ جوڈیشل بینچ میں ججز کی سیٹ کم کرکے 2 سول افراد کو شامل کیا گیا۔ ایسا پہلے کبھی نہیں ہوا ہم اس کی مذمت کرتے ہیں۔ ہم کسی آئینی بینچ کو نہیں مانتے۔ بھارت میں بھی ایسا نہیں ہے وہاں کا چیف ہی آئینی بینچ کی سربراہی کرتا ہے۔ حامد خان کا مزید کہنا تھا کہ سپریم کورٹ کے ججز کی تعداد میں اضافہ کرنا وقت کی ضرورت نہیں۔ اس ترمیم نے عدلیہ کو تباہ کردیا۔ آرمی چیف ایکٹ میں ترمیم اس لیے کی گئی کیونکہ حکومت کو اپنا وقت پورا کرنا ہے۔ ہم عدلیہ کو آزاد بنانے اورپاکستان کے آئین کو بحال کرنے کے لیے لڑیں گے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل