وزیراعلیٰ پنجاب نے دیگر صوبوں کے طلبہ کیلیے ہونہار اسکالرشپ کی منظوری دے دی

وزیراعلیٰ پنجاب مریم نواز شریف نے دیگر صوبوں کے طلبہ کے لئے ہونہار اسکالر شپ اسکیم کی منظوری دے دی۔ پنجاب کی وزیراعلیٰ مریم نواز نے اجلاس کی صدارت کرتے ہوئے پنجاب میں طلبہ کے لیے لیپ ٹاپ کی تعداد بڑھا کر ایک لاکھ 10 ہزار کرتے ہوئے ہونہار اسکالرشپ اسکیم کے طلبہ کے لیے خصوصی ہیلپ لائن قائم کرنے کی ہدایت کی۔ مریم نواز نے دیگر صوبوں کے طلبہ کے لیے بھی ہونہار اسکالر شپ اسکیم کی منظوری دی۔ دیگر صوبوں کے طلبہ کے لیے بھی پنجاب کی طرح اہلیت کا یکساں معیار مقرر کیا گیا ہے۔ پنجاب میں لیپ ٹاپ حاصل کرنے کے لیے کم از کم 65 فیصد اہلیت مقرر کی گئی۔ وزیراعلی پنجاب نے کہا کہ ہونہاراسکالرشپ اور لیپ ٹاپ ہر بچے کا حق اور حکومت کی ذمہ داری ہے۔ تعلیم اور یوتھ قوم کی حقیقی انویسٹمنٹ ہے۔ دل چاہتا ہے ہر بچے کو لیپ ٹاپ ملے۔ لیپ ٹاپ اور ہونہار اسکالرشپ دیگر صوبوں کے طلبہ کا بھی حق ہے۔آزاد کشمیر، گلگت بلتستان، بلوچستان اور خیبرپختونخوا سمیت دیگر صوبوں کے طلبہ بھی ہمارے بچے ہیں۔ مریم نواز کا مزید کہنا تھا کہ میرٹ پر آنے والا ہر بچہ اچھے کالج میں اپلائی کرے فیس ہم دیں گے۔ ماں کی طرح سوچتی ہوں ہربچے کی قسمت بدلنا چاہتے ہیں۔ ہونہار اسکالر شپ کے لیے جو پنجاب کا معیار ہے وہی دیگر صوبوں کے طلبا کے لیے مقرر کیا جائے گا۔ طلبا کے لیے کسی بھی اسکیم میں فنڈز کی فراہمی  کو رکاوٹ نہیں بننے دیا جائے گا۔ اجلاس میں پنجاب میں ایک روزہ وی سی کانفرنس اور ٹیک ایکسپوکی منظوری بھی دی گئی۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل