17 سالہ ہیروئن نے بہترین اداکارہ کا ایوارڈ جیت کر کترینہ اور عالیہ بھٹ کو بھی پیچھے چھوڑ دیا

بالی ووڈ کی 17 سالہ اداکارہ نیتانشی گوئل نے آئیفا ایوارڈز 2025 بہترین اداکارہ کا ایوارڈ اپنے نام کرلیا۔ بھارتی میڈیا رپورٹ کے مطابق آئیفا ایوارڈز 2025 میں لیڈنگ رول (خواتین) کیٹیگری میں بہترین اداکارہ کیلئے یامی گوتم، کترینہ کیف، عالیہ بھٹ اور شردھا کپور بھی نامزد تھیں جنہیں پیچھے چھوڑتے ہوئے نیتانشی گوئل نے یہ ایوارڈ حاصل کیا ہے۔ 17 سالہ اداکارہ کو ان کی مقبول فلم لاپتہ لیڈیز کیلئے بہترین اداکارہ کے ایوارڈ سے نوازا گیا ہے جو کہ کرن راؤ کی فلم ہے اور کئی ایوارڈز جیت چکی ہے۔         View this post on Instagram                       A post shared by Varinder Chawla (@varindertchawla) یہ ایوارڈ نیتانشی کو بومن ایرانی اور بوبی دیول نے پیش کیا جس کو وصول کرتے ہوئے نیتانشی آبدیدہ ہوگئی۔ جذبات پر قابو پاتے ہوئے نیتانشی نے فلم کی ٹیم اور اپنے والدین کا شکریہ ادا کیا جنہوں نے اس فلم کے سفر میں انہیں سپورٹ کیا۔ بھارتی میڈیا سے بات کرتے ہوئے لاپتہ لیڈیز اسٹار نے کہا کہ ’میں اس کی توقع نہیں کر رہی تھی میں امید کر رہی تھی کہ لاپتا لیڈیز بڑے ایوارڈز جیتے گی، لیکن میں نے نہیں سوچا تھا کہ میں خود بہترین اداکارہ کا ایوارڈ جیت جاؤں گی۔ دوسرے نامزد امیدوار ناقابل یقین تھے، اور میں ان سب کی بہت بڑی مداح ہوں۔ مجھے جو پیار ملا ہے اس لئے میں شکرگزار ہوں‘۔         View this post on Instagram                       A post shared by Instant Bollywood (@instantbollywood)  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل