جنوبی افریقی بیٹر لوان پریٹوریس نے جاوید میانداد کا اہم ریکارڈ چھین لیا

جنوبی افریقا کے نوجوان اسٹار لوان پریٹوریس نے 160 گیندوں پر 153 کی اننگز کھیلی، 19 سالہ بیٹر ڈیبیو پر 150 اور سنچری بنانے والے جنوبی افریقا کے سب سے کم عمر کھلاڑی بنے۔ لوان پریٹوری نے صرف 112 گیندوں پر سنچری مکمل کی، انہوں نے 19 برس 93 دن کی عمر میں یہ کارنامہ انجام دیا۔ ٹیسٹ کرکٹ میں 150 رنز بنانے والے سب سے کم عمر کھلاڑی کا ورلڈ ریکارڈ انہوں نے جاوید میانداد سے چھین لیا، میانداد نے 1976 میں 19 برس 119 دن کی عمر میں 163 کی باری کھیلی تھی۔ صرف 4 کھلاڑی پریٹوریس سے کم عمر ہیں جنہوں نے ٹیسٹ ڈیبیو پر سنچری بنائی تاہم ان میں سے 3 نے یہ کارنامہ دوسری اننگز میں انجام دیا ہے۔ ڈیبیو پارٹنر شپ میں پریٹوریس اور بریوس کے درمیان 95 رنز کی شراکت (پانچویں وکٹ) کے لیے بنی۔ جنوبی افریقا کے دو ڈیبیو کھلاڑیوں کے درمیان سب سے بڑی پارٹنر شپ اس سے قبل 92 رنز کی تھی، یہ کارنامہ اینڈریو ہڈسن اور ایڈریان کیوپر نے 1992 میں ویسٹ انڈیز کے خلاف انجام دیا تھا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل