سویڈن میں ملنے والی عجیب و غریب پنیر والی کافی

سویڈن میں ایک نہایت منفرد اور عجیب و غریب کافی پائی جاتی جسے "کیفیوسٹ" (Kaffeost) کہا جاتا ہے۔ یہ دراصل پنیر والی کافی ہے، ایک ایسا امتزاج جو باقی دنیا کے لیے حیران کن ہے تاہم سویڈن کے شمالی علاقوں میں اسے ایک روایتی مشروب سمجھا جاتا ہے۔ "Kaffeost" ایک سوئیڈش لفظ ہے جس کا مطلب ہوتا ہے "کافی پنیر"۔ اس میں استعمال ہونے والا پنیر "Leipäjuusto" کہلاتا ہے۔ یہ پنیر عام طور پر گائے، بکری یا ہرن کے دودھ سے بنایا جاتا ہے اور اس کی خاص بات یہ ہے کہ یہ گرمی میں پگھلتا نہیں بلکہ اپنی شکل برقرار رکھتا ہے۔ یہ کافی عام طور پر بلیک بنائی جاتی ہے اور پنیر کو کیوبز میں کاٹ کر کپ میں رکھا جاتا ہے۔ گرم کافی پنیر پر ڈالی جاتی ہے۔ چند منٹوں میں پنیر کافی میں نرم ہو جاتا ہے لیکن گھلتا نہیں۔ لوگ پہلے کافی پیتے ہیں اور بعد میں چمچ سے نرم پنیر کھاتے ہیں۔ یہ ذائقے میں نمکین نہیں بلکہ ہلکا میٹھا اور دودھیا ہوتا ہے۔ کافی کا تلخ پن، پنیر کی ملائمت اور ہلکی مٹھاس کے ساتھ ایک دلچسپ امتزاج پیش کرتا ہے۔ 

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل