ججز سنیارٹی کیس: عدالتی فیصلے کیخلاف مزید 2 انٹراکورٹ اپیلیں دائر 

ججز سنیارٹی کیس میں عدالتی فیصلے کیخلاف مزید 2 انٹراکورٹ اپیلیں دائر کردی گئیں۔  رپورٹ کے مطابق اپیلیں کراچی بار اور شعیب شاہین کی جانب سے دائر کی گئی ہیں۔ انٹرا کورٹ اپیلوں میں ججز سنیارٹی کیس کا 19جون کا فیصلہ کالعدم قرار دینے کی استدعا کی گئی۔  اپیلوں میں موقف  اپنایا گیا کہ سپریم کورٹ نے آئین کی درست تشریح نہیں کی، سپریم کورٹ نے آرٹیکل 200 میں لفظ مستقل تبادلے کو ازخود اخذ کیا۔ اپیلوں میں موقف اختیار کیا گیا کہ  آئین میں ججز کے مستقل تبادلے کا کوئی تصور نہیں،  ججز کی آسامیوں پر تعیناتی جوڈیشل کمشین کے ذریعے ہی ممکن ہے۔ اپیلوں میں درخواست گزاروں نے موقف اپنایا کہ عدالت کا یہ قرار دینا کہ تبادلے سے بھی آسامی پر تعیناتی ہو سکتی خلاف آئین ہے،  ججز سنیارٹی طے کرنا صدر مملکت کا اختیار نہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل