افغان طالبان کی جارحیت کیخلاف پاک فوج کی جوابی کارروائیاں جاری، چیک پوسٹ  کے پرخچے اڑادیے

افغان طالبان کی جارحیت کیخلاف پاک فوج کی بھرپور اور طاقتور جوابی کارروائیاں جاری ہیں۔ سیکیورٹی ذرائع نے کہا کہ  پاک فوج نے کرم سیکٹر سے ملحقہ افغان خرچار چیک پوسٹ  کے پرخچے اڑادیے، متعدد افغان فوجی جہنم واصل کردیے گئے۔ سیکیورٹی ذرائع نے کہا کہ پاکستان پر بلااشتعال جارحیت کے بعد افغان طالبان  بھاری جانی و مالی نقصان اٹھا رہے ہیں ، آپریشن غضب للحق تاحال جاری ہے اور اپنے اہداف حاصل ہونے تک جاری رہے گا۔ Operation Ghazab Lil Haq/ Update 1630 hr 01 March 2026: ????????آپریشن غضب للحق جاری/ خرچار پوسٹ افغان طالبان کی جارحیت کیخلاف پاک فوج کی بھرپور اور طاقتور جوابی کارروائیاں جاری، سیکیورٹی ذرائع پاک فوج نے کرم سیکٹر سے ملحقہ افغان خرچار چیک پوسٹ کے پرخچے اڑادیے، متعدد افغان فوجی… pic.twitter.com/LqHYNF6C7A — PTV News (@PTVNewsOfficial) March 1, 2026 آپریشن غضب للحق جاری ہے جب کہ  افغان طالبان مرکز پوسٹ پر کنٹرول حاصل کرلیا گیا ہے۔ سیکیورٹی ذرائع نے کہا کہ پاک افغان سرحد پر افغان طالبان کی بلا اشتعال جارحیت کا پاک فوج  موثر جواب دے رہی ہے،  28 فروری 2026 کو دن کی روشنی میں بہادر پاکستانی جوانوں کی افغانستان میں داخل ہونے کی خصوصی ویڈیو منظر عام پر آگئی۔ سیکیورٹی ذرائع نے کہا کہ  پاکستانی فوجی جوانوں نے شمالی وزیرستان سے ملحقہ سرحدی باڑ عبور کی اور تیزی سے افغان طالبان کی مرکز  پوسٹ کی جانب پیش قدمی کی، پاکستانی فورسز کو دیکھتے ہی  افغان طالبان فرار ہونے لگے۔ سیکیورٹی ذرائع کے مطابق پاک فوج نے مؤثر جوابی کاروائی کرتے ہوئے *افغان طالبان مرکز پوسٹ * پر کنٹرول حاصل کر لیا، پاک  فوج نے بھرپور کارروائی کے دوران افغان طالبان کے *کمپاؤنڈز کلیئر* کر کے دشمن کے جھنڈے اتار دیے۔ سیکیورٹی ذرائع نے کہا کہ آپریشن غضب للحق تاحال جاری ہے اور اپنے اہداف حاصل ہونے تک جاری رہے گا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل