ایران امریکا جنگ کے باعث پاکستان میں بھی فضائی آپریشن متاثر

ایران امریکا جنگ کے باعث دیگر ممالک کی طرح پاکستان سے بھی مشرق وسطیٰ میں فضائی آپریشن درھم برہم ہو کر رہ گیا۔ تفصیلات کے مطابق تین روز میں ملکی غیر ملکی ائیر لائینز کی 500 سے زائد پروازیں منسوخ ہوئیں۔ ہزاروں مسافر پھنس گئے جبکہ مسافروں کے ساتھ ساتھ ائیر کارگو سروس بھی معطل ہوگئی۔ مختلف نوعیت کا سامان جس میں کھانے پینے کی اشیاء سے لیکر دیگر اشیاء شامل ہیں، وہ بھی رک چکی ہیں۔ پروازیں کب بحال ہونگی ابھی تک صورتحال واضح نہیں ہوئی۔ پاکستان ائیرپورٹ اتھارٹی سے ملنے والے اعداد و شمار کے مطابق پاکستان کے مختلف ائیرپورٹ سے آنے اور جانے والی مختلف ائیر لائینز کی پانچ سو سے زائد پروازیں منسوخ ہوچکی ہیں جبکہ ائیر کارگو سروس معطل ہونے سے اشیائے خوردونوش کی ترسیل سمیت دیگر اشیاء کی ترسیل بھی معطل ہو کر رہ گئی ہے۔ ائیرپورٹ زرائع کے مطابق کچھ ممالک کی فضائی حدود کی بندش کی وجہ سے فضائی آپریشن معطل ہوا ہے۔ کب بحال ہوگا، اس بارے میں ابھی کچھ نہیں کہا جا سکتا۔ پاکستان کے مختلف ائیرپورٹ سے صرف سعودی عرب کے لیے پروازوں کی آمد و رفت جاری ہے۔ اگر صورتحال ایسی ہی رہی یا مزید حالات خراب ہوئے تو پھر فضائی آپریشن مزید خرابی سے دوچار ہو جائے گا۔ ٹریول ایجنٹس ایسوسی ایشن کے سئینر رہنما خواجہ ایوب نسیم کے مطابق خوف وہراس کی وجہ سے عمرہ زائرین بھی جانے سے ہچکچا رہے ہیں سینکڑوں عمرہ زائرین نے براستہ دبئی ٹکٹیں بک کرا رکھی تھی ٹکٹیں تو ریفنڈز ہو جاتی ہیں مگر ہوٹل کی بکنگ ریفرنڈ نہیں ہوتی اگر صورتحال ایسی ہی رہی تو ٹریولز ایجنٹس کو کروڑوں روپے کا نقصان ہو گا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل