آبنائے ہرمز کھلوانے کیلئے یو اے ای نے ایران کے خلاف کارروائی کا مطالبہ کر دیا

متحدہ عرب امارات نے عالمی برادری سے مطالبہ کیا ہے کہ آبنائے ہرمز کو کھلوانے کے لیے ایران کے خلاف فوری اور فیصلہ کن اقدامات کیے جائیں۔ اپنے بیان میں اماراتی وزیر پیٹرولیم نے کہا کہ آبنائے ہرمز میں ایران کی مداخلت ناقابلِ قبول ہے اور یہ عالمی معیشت پر شدید دباؤ ڈال رہی ہے۔ ان کے مطابق اگر یہ اہم بحری گزرگاہ بند رہی تو دنیا بھر میں توانائی کی فراہمی متاثر ہو سکتی ہے اور تیل کی قیمتوں میں مزید اضافہ ہو سکتا ہے۔ انہوں نے مزید کہا کہ آبنائے ہرمز کی بندش کے باعث عالمی تجارت اور سپلائی چین کو شدید خطرات لاحق ہیں، اس لیے ضروری ہے کہ اس مسئلے کو فوری طور پر حل کیا جائے۔ سلطان احمد الجابر نے زور دیا کہ اقوام متحدہ کی قرارداد کے تحت ایران کے خلاف کارروائی کی جائے تاکہ عالمی امن و استحکام کو یقینی بنایا جا سکے اور اس اہم گزرگاہ کو بحال کیا جا سکے۔ ماہرین کے مطابق آبنائے ہرمز عالمی سطح پر تیل کی ترسیل کے لیے نہایت اہم راستہ ہے، اور یہاں کسی بھی قسم کی کشیدگی یا رکاوٹ پوری دنیا کی معیشت پر گہرے اثرات مرتب کر سکتی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل