ایران کے خلاف "غیر قانونی جنگ" کے خاتمے کے لیے پاکستان سفارتی کوششوں کا مرکز بن گیا، رضا امیری

پاکستان میں ایران کے سفیر رضا امیری مقدم نے کہا ہے کہ اسلام آباد ایران کے خلاف جاری ایک "غیر قانونی جنگ" کے خاتمے کے لیے پاکستان کی سفارتی کوششوں کا مرکز بن گیا ہے۔ اپنے بیان میں ایرانی سفیر کا کہنا تھا کہ یہ جنگ نہ صرف ایرانی قوم اور تہذیب کے خلاف صریح جرم ہے بلکہ اس نے خطے اور دنیا کے امن و سلامتی کو بھی خطرے میں ڈال دیا ہے۔ رضا امیری مقدم نے کہا کہ پاکستان کی جانب سے ثالثی کی کوششیں اہم پیش رفت ہیں اور اب یہ دیکھنا باقی ہے کہ آیا امریکہ میزبان ملک پاکستان کی سفارتی کوششوں کا احترام کرتا ہے یا نہیں۔ انہوں نے کہا کہ اسلام آباد ایرانی قوم کے خلاف جاری غیر قانونی جنگ کے خاتمے میں مدد کے لیے پاکستان کے "گڈ آفسز" کی میزبانی کر رہا ہے۔ ایرانی سفیر کے مطابق موجودہ صورتحال نہایت حساس ہے اور جنگ کے اثرات صرف خطے تک محدود نہیں بلکہ عالمی سلامتی کو بھی متاثر کر رہے ہیں، اس لیے سفارتی کوششوں کو کامیاب بنانا ضروری ہے۔ Today, Islamabad is host to Pakistan's good offices to help end an illegal war against the Iranian nation; a war that is not only a blatant crime against the Iranian nation and civilization, but also has endangered the security of the region and the world. It remains to be seen… — Reza Amiri Moghadam (@IranAmbPak) April 11, 2026  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل