تیل کی قیمتوں میں بڑی کمی آنے والی ہے، امریکی وزیر خزانہ کی چونکا دینے والی پیشگوئی

امریکی وزیر خزانہ اسکاٹ بیسنٹ نے عالمی تیل کی قیمتوں میں نمایاں کمی کی پیشگوئی کی ہے۔ ایک امریکی ٹی وی چینل کو دیے گئے انٹرویو میں انہوں نے کہا کہ جنگی حالات کے بعد توانائی کی قیمتوں میں واضح کمی آنی چاہیے۔ اسکاٹ بیسنٹ کے مطابق مستقبل قریب میں تیل کی عالمی منڈی میں بڑی گراوٹ دیکھی جا سکتی ہے، کیونکہ امریکا کی توانائی برآمدات اس وقت بلند ترین سطح پر پہنچ چکی ہیں۔ انہوں نے کہا کہ امریکا اس وقت توانائی کے شعبے میں ایک بڑی قوت کے طور پر ابھر رہا ہے۔ انہوں نے مزید وضاحت کی کہ امریکی توانائی برآمدات کو صرف انفرااسٹرکچر کی کمی محدود کر رہی ہے، ورنہ امریکا عالمی توانائی منڈی میں مزید تیزی سے آگے بڑھ سکتا ہے۔ امریکی وزیر خزانہ کا کہنا تھا کہ آبنائے ہرمز سے آئندہ مزید جہازوں کی آمد و رفت دیکھنے کو مل سکتی ہے، اور ایران کی جانب سے جہازوں پر ٹول وصول کرنے کی کوششیں زیادہ مؤثر ثابت نہیں ہو رہیں۔ انہوں نے یہ بھی کہا کہ امریکی صدر ڈونلڈ ٹرمپ اور شی جن پنگ کے درمیان آئندہ متوقع ملاقات میں کسی بڑی پالیسی تبدیلی کا امکان نہیں ہے۔ ماہرین کے مطابق اگر تیل کی قیمتوں میں کمی آتی ہے تو اس کے اثرات عالمی معیشت، توانائی مارکیٹس اور درآمد کنندہ ممالک پر نمایاں ہوں گے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل