لاہور: راہگیر خاتون سے چھیڑ چھاڑ اور فحش حرکات کرنے والے ملزم گرفتار

لاہور کے علاقے لیاقت آباد میں راہگیر خاتون کے ساتھ چھیڑ چھاڑ اور فحش حرکات کرنے والے ملزم کو پولیس نے گرفتار کر لیا۔ پولیس ترجمان کے مطابق ملزم کو سی سی ٹی وی فوٹیج کی مدد سے ٹریس کرتے ہوئے ضلع گوجرانوالہ سے گرفتار کیا گیا۔ ایس پی ماڈل ٹاؤن اسد علی کا کہنا ہے کہ متاثرہ خاتون گھر سے ڈیوٹی کے لیے جا رہی تھی کہ ملزم نے پیچھے سے آ کر نازیبا حرکت کی اور موقع سے فرار ہو گیا۔ پولیس کے مطابق سی سی ٹی وی فوٹیج میں ملزم کو واردات کے بعد بھاگتے ہوئے واضح طور پر دیکھا جا سکتا ہے، جس کی بنیاد پر کارروائی عمل میں لائی گئی۔ ایس پی اسد علی نے بتایا کہ ملزم کے خلاف مقدمہ درج کر کے کیس انویسٹی گیشن کے حوالے کر دیا گیا ہے، جبکہ مزید تفتیش جاری ہے۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل