وائٹ ہاؤس ترجمان کیرولین لیویٹ کے ہاں بیٹی کی پیدائش، مبارکبادوں کا تانتا بندھ گیا

وائٹ ہاؤس کی ترجمان کیرولین لیویٹ کے ہاں دوسرے بچے کی پیدائش ہوئی ہے جس کے بعد سوشل میڈیا پر انہیں اور ان کے خاندان کو مبارکباد دینے والوں کا تانتا بندھ گیا۔ امریکی صدر ڈونلڈ ٹرمپ کی قریبی ساتھی اور وائٹ ہاؤس پریس سیکریٹری کیرولین لیویٹ نے سوشل میڈیا پر بتایا کہ ان کے ہاں یکم مئی کو بیٹی کی پیدائش ہوئی، جس کا نام ’ویویانا‘ رکھا گیا ہے۔ کیرولین لیویٹ نے اپنے پیغام میں کہا کہ ماں اور بچی دونوں صحت مند ہیں جبکہ ان کا بڑا بیٹا بھی اپنی نئی بہن کے ساتھ خوشگوار وقت گزار رہا ہے اور خاندان زندگی کے نئے مرحلے سے لطف اندوز ہو رہا ہے۔ 28 سالہ کیرولین لیویٹ امریکا کی تاریخ کی کم عمر ترین وائٹ ہاؤس پریس سیکریٹری ہیں، وہ اپنی سخت اور جارحانہ پریس بریفنگز کے باعث خاصی شہرت رکھتی ہیں۔ رپورٹس کے مطابق انہیں 24 اپریل سے زچگی کی چھٹی پر جانا تھا، تاہم وائٹ ہاؤس کوریسپانڈنٹس ڈنر کے دوران پیش آنے والے سیکیورٹی واقعے کے بعد انہوں نے اپنی چھٹی مؤخر کر دی تھی اور 28 اپریل تک اپنی سرکاری ذمہ داریاں نبھاتی رہیں۔ کیرولین لیویٹ نے 2025 میں ریئل اسٹیٹ ڈویلپر نکولس ریچیو سے شادی کی تھی۔ ان کی شادی اور ذاتی زندگی سوشل میڈیا پر اکثر خبروں کی زینت بنتی رہتی ہے۔ On May 1st, Viviana aka “Vivi” joined our family, and our hearts instantly exploded with love. ???? She is perfect and healthy, and her big brother is joyfully adjusting to life with his new baby sister. We are enjoying every moment in our blissful newborn bubble. Thank you to… pic.twitter.com/wM1P1zEGsa — Karoline Leavitt (@karolineleavitt) May 7, 2026 واضح رہے کہ ان کے پہلے بچے کی پیدائش جولائی 2024 میں اس وقت ہوئی تھی جب انتخابی مہم کے دوران صدر ٹرمپ پر حملے کی کوشش کی گئی تھی، جس کے بعد کیرولین نے اپنی زچگی کی چھٹی مختصر کر دی تھی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل