نابینا بہن بھائی کو مستقل کرنے کے عدالتی حکم پر عمل نہ کرنا ڈی جی کے ڈی اے کو مہنگا پڑ گیا

نابینا بہن بھائی کو ملازمت میں مستقل کرنے کے عدالتی حکم پر عمل نہ کرنا ڈی جی کے ڈی اے کو مہنگا پڑ گیا۔ سندھ ہائیکورٹ کے آئینی بینچ میں کے ڈی اے کی جانب سے بینائی سے محروم بہن بھائی کو ملازمت نہ دینے سے متعلق کیس کی سماعت ہوئی، جہاں عدالتی احکامات پر عملدرآمد نہ کرنے پر عدالت نے برہمی کا اظہار کیا۔ عدالت نے احکامات پر عمل نہ کرنے پر ڈی جی کے ڈی اے کو شوکاز نوٹس جاری کرتے ہوئے ایک ہفتے میں عملدرآمد کرنے کی ہدایت کردی۔ درخواست گزاروں کے وکیل عثمان فاروق ایڈووکیٹ نے مؤقف اختیار کیا کہ عدالت نے معذور کوٹہ پر دونوں بہن بھائی کو مستقل کرنے کا حکم دیا تھا۔ درخواست گزار صائمہ اور مجتبیٰ کے ڈی اے میں کنٹریکٹ پر تعینات ہوئے تھے اور دونوں نے 2 سے 3 سال تک وہاں کام کیا۔ وکیل درخواست گزار کے مطابق معذور کوٹہ کے تحت دونوں کو مستقل کیا جانا تھا، تاہم کے ڈی اے نے دونوں کا کنٹریکٹ بھی ختم کردیا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل