حکومت نے شوگر ملز کی چینی ایکسپورٹ کرنے کی درخواست موخر کردی

وفاقی حکومت نے شوگر ملز ایسوسی ایشن کی جانب سے چینی باہر بھیجنے کی درخواست موخر کردی۔ ذرائع کے مطابق سرپلس چینی کی برآمد سے متعلق فیصلہ آئندہ کرشنگ سیزن پر ہوگا، مارکیٹ میں قلت اور قیمتوں میں اضافے کے خدشے کے باعث یہ درخواست موخر کی گئی ہے۔ شوگر ملز نے 13 لاکھ میٹرک ٹن سرپلس چینی ہونے کا دعویٰ کیا جس سے 50 کروڑ ڈالر زرمبادلہ حاصل ہونے کا امکان ہے تاہم حکومت نے فیصلہ کیا ہے کہ مقامی ضرورت پوری کرنے کے بعد ہی چینی برآمد کی اجازت دی جائے گی۔ ذرائع کا کہنا ہے کہ حکومت بعد میں چینی درآمد کرنے کی نوبت سے بچنا چاہتی ہے، گزشتہ سال برآمد کے بعد چینی کی قیمت 180 روپے فی کلو سے تجاوز کر گئی تھی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل