بھائی کا کتاب میں شہزادی ڈیانا کی موت کی ’حقیقت‘ سامنے لانے کا اعلان

برطانیہ کی آنجہانی شہزادی ڈیانا کے بھائی چارلس اسپینسر نے اپنی بہن کی زندگی اور موت سے متعلق برسوں سے گردش کرنے والی مبینہ غلط معلومات کے جواب میں کتاب لکھنے کا اعلان کر دیا۔ چارلس اسپینسر کا کہنا ہے کہ شہزادی ڈیانا کی موت کی 30ویں برسی قریب آنے کے باعث انہیں ایک مرتبہ پھر بڑی تعداد میں انٹرویوز کی درخواستیں موصول ہو رہی تھیں جس کے بعد انہوں نے اپنی یادیں اور خیالات ایک بار مکمل طور پر قلم بند کرنے کا فیصلہ کیا ہے۔ انہوں نے کہا کہ وقت گزرنے کے ساتھ شہزادی ڈیانا سے متعلق کئی ایسی باتیں بھی حقیقت سمجھ لی گئی ہیں جو ان کے مطابق درست نہیں۔ چارلس اسپینسر کے مطابق انہوں نے ’سوائن سانگ: ڈیانا، مائے سسٹر‘ کے نام سے کتاب تحریر کی ہے جس میں وہ ڈیانا کے ساتھ اپنی زندگی، ان سے جڑی یادوں اور ان کی موت کے المناک ہفتے کے بارے میں تفصیل سے بات کریں گے۔ یہ پہلا موقع ہو گا جب چارلس اسپینسر اپنی بہن سے متعلق اتنی تفصیل اور کھل کر اپنا مؤقف پیش کریں گے۔ یہ کتاب 22 ستمبر کو برطانیہ سمیت مختلف ممالک میں شائع ہو گی جبکہ اسے 12 زبانوں میں ترجمہ کرنے کا بھی منصوبہ ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل