آزاد کشمیر اسمبلی کی مخصوص نشستوں پر انتخاب کیلیے ووٹنگ

آزاد جموں و کشمیر کی قانون ساز اسمبلی میں خالی 8 مخصوص نشستوں پر نئے ارکان کے انتخاب کے لیے پولنگ کا مرحلہ جاری ہے۔ انتخابی عمل آج صبح 10 بجے شروع ہوا جو دوپہر 2 بجے تک بغیر کسی تعطل کے جاری رہے گا۔ سیکرٹری الیکشن کمیشن اس اہم انتخابی عمل میں پریزائیڈنگ افسر کے فرائض سرانجام دے رہے ہیں۔ پی پی پی کے رکن اسمبلی ماجد خان نے اپنا حق رائے دہی استعمال کرتے ہوئے پہلا ووٹ کاسٹ کیا۔ مذکورہ نشستوں میں 5 خواتین، ایک ٹیکنوکریٹ، ایک علما و مشائخ اور ایک اوورسیز کشمیری کی نشست شامل ہے جس پر امیدوار مدمقابل ہیں۔ قانون ساز اسمبلی کے ایوان کی تکمیل کے بعد نومنتخب ارکان حلف اٹھائیں گے، جس کے بعد اسپیکر اور ڈپٹی اسپیکر کے عہدوں کے لیے انتخاب کا حتمی مرحلہ مکمل کیا جائے گا۔ واضح رہے کہ پونچھ اور سدھنوتی کے حلقوں میں انتخابات نہ ہونے کے باعث موجودہ حکومت کا قیام 7 ارکان کی کمی کے باوجود عمل میں لایا گیا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل