عاقب جاوید کو بھی نکالو، سعید اجمل قومی ٹیم میں اکھاڑ پچھاڑ پر شدید برہم

سابق قومی کرکٹر سعید اجمل نے پی سی بی کے ڈائریکٹر ہائی پرفارمنس اور سلیکشن کمیٹی کے رکن عاقب جاوید کو بھی عہدے سے ہٹانے کا مطالبہ کردیا۔ پاکستان کے سابق اسپنر سعید اجمل نے قومی کرکٹ ٹیم میں حالیہ بڑے پیمانے پر تبدیلیوں اور انتظامی فیصلوں پر سخت ناراضگی کا اظہار کیا ہے۔ انہوں نے کہا کہ دنیا پاکستان کا مذاق اڑا رہی ہے کہ میچ ختم ہوتے ہی کھلاڑیوں کو واپس بھیج دیا جاتا ہے جو ایک غیر سنجیدہ طریقہ کار ہے۔ سعید اجمل کے مطابق سیریز کے دوران ٹیم، کوچنگ اسٹاف اور سلیکشن کمیٹی میں اتنی بڑی تبدیلیاں سمجھ سے بالاتر ہیں اور ایسے فیصلے ٹور کے بعد کیے جانے چاہئے تھے۔ انہوں نے مزید کہا کہ اگر امام الحق سے کوئی غلطی ثابت ہوتی ہے تو اسے سخت سزا ملنی چاہیے تاکہ دوسرے کھلاڑیوں کے لیے مثال قائم ہو سکے۔ اپنے ویڈیو پیغام میں انہوں نے سلیکشن کمیٹی کے رکن عاقب جاوید کو بھی عہدے سے ہٹانے کا مطالبہ کیا۔ سرفراز کو تو کوچنگ سے ہٹادیا لیکن مائیک ہیسن کا آپ ماتھا چوم رہے ہیں، مائیک ہیسن نے وائٹ بال میں کیا رزلٹ دیے ہیں؟۔ واضح رہے کہ انگلینڈ کے خلاف پہلے دو ٹیسٹ میچوں میں شکست کے بعد پاکستان کرکٹ بورڈ نے تیسرے ٹیسٹ سے قبل بڑے پیمانے پر تبدیلیاں کرتے ہوئے سات کھلاڑیوں کو ریلیز کیا اور ہیڈ کوچ سرفراز احمد سمیت بولنگ کوچ عمر گل کو بھی عہدوں سے فارغ کر دیا ہے۔ ???? Saeed Jamal’s Strong Statement: “You changed the team and removed the coaches, but why haven’t you removed people like Aaqib Javed, who have ruined Pakistan cricket?” pic.twitter.com/gnc5bprvL0 — Talha Nawaz (@TalhaDigital007) September 1, 2026  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل