مسلسل دو ہیٹ ٹرکس کرنے والے انگلش بولر قومی ٹیم میں شامل

انگلینڈ نے سری لنکا کے خلاف رواں ماہ ہونے والی ون ڈے سیریز کے لیے 24 سالہ ان کیپڈ فاسٹ بولر ہنری کروکومب کو اسکواڈ میں شامل کرلیا ہے۔ سسیکس کے بولر نے کاؤنٹی چیمپئن شپ میں مسلسل دو میچز میں ہیٹ ٹرک کرکے قومی ٹیم میں جگہ بنائی۔ کروکومب نے گزشتہ ہفتے سمرسیٹ کے خلاف تین گیندوں پر تین وکٹیں حاصل کیں جبکہ آٹھ دن بعد ایسکس کے خلاف ایک مرتبہ پھر ہیٹ ٹرک مکمل کی۔ یہ سیزن کروکومب کے لیے شاندار ثابت ہوا ہے۔ وہ جون میں نیوزی لینڈ کے خلاف دوسرے ٹیسٹ کے لیے بھی مختصر وقت کے لیے انگلینڈ کے اسکواڈ میں شامل کیے گئے تھے۔ دوسری جانب ڈربی شائر کے ان کیپڈ بیٹر اینیورین ڈونلڈ کو سری لنکا کے خلاف ٹی ٹوئنٹی سیریز کے اسکواڈ میں شامل کرلیا گیا ہے۔ 29 سالہ ڈونلڈ نے ٹی ٹوئنٹی بلاسٹ میں 12 میچز کے دوران 489 رنز بنائے۔ آل راؤنڈر جیکب بیتھل گھٹنے کی انجری سے صحت یاب ہو رہے ہیں جبکہ بین ڈکٹ ٹی ٹوئنٹی اسکواڈ میں واپس آگئے ہیں۔ We've announced our squads for England Men's upcoming white-ball series against Sri Lanka ???? Read more: https://t.co/vzzZv84NV3 pic.twitter.com/XkHLBGCqsx — England Cricket (@englandcricket) September 4, 2026 تین میچز پر مشتمل ٹی ٹوئنٹی سیریز 15 ستمبر سے شروع ہوگی جبکہ پہلا ون ڈے 22 ستمبر کو کھیلا جائے گا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل