پی ٹی آئی پنجاب کا اسٹریٹ موومنٹ شروع کرنے کا فیصلہ، سہیل آفریدی کو آنے کی دعوت

پی ٹی آئی پنجاب کی پارلیمانی قیادت نے صوبے میں اسٹریٹ موومنٹ شروع کرنے کا فیصلہ کیا ہے جس کے لیے قیادت نے سہیل آفریدی کو صوبے میں آنے کی دعوت دے دی۔ رکن قومی اسمبلی نثار جٹ نے اس حوالے سے کہا ہے کہ متفقہ طور پر پنجاب میں اسٹریٹ موومنٹ شروع کرنے کا فیصلہ کیا گیا ہے، وزیراعلی جب تشریف لائیں گے ہم انہیں ویلکم کریں گے۔ دوسری جانب اجلاس کی اندرونی کہانی سامنے آگئی ہے۔ پی ٹی آئی پنجاب کی قیادت نے پنجاب میں جاری کریک ڈاؤن پر شدید تحفظات کا اظہار کیا ہے۔ ذرائع کے مطابق ارکان نے اجلاس میں کہا ہے کہ پنجاب میں کارکنان پر بدترین کریک ڈاؤن شروع ہوچکا ہے، اسٹریٹ موومنٹ کی صورت میں کریک ڈاؤن مزید بڑھنے کا خدشہ ہے، لانگ مارچ کی کال متاثر نہیں ہونی چاہیے۔  اجلاس میں اکثریتی ارکان اسٹریٹ موومنٹ کے حامی نکلے اور کہا کہ ملکی موجودہ صورتحال کے پیش نظر پنجاب کی عوام نکلنے کیلئے تیار ہے۔ سہیل آفریدی نے جواب دیا ہے کہ ہم کسی سے نہیں ڈریں گے آپ جہاں بلائیں گے میں آؤں گا۔ پنجاب کی قیادت نے اکثریتی ارکان کی حمایت پر اسٹریٹ موومنٹ جلد شروع کرنے کا فیصلہ ہے، تاریخ اور وقت کا اعلان وزیر اعلی سہیل آفریدی کریں گے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل