ہاردک پانڈیا اور بمراہ کی ورلڈ کپ میں شمولیت، گوتم گمبھیر کا بڑا بیان

بھارتی کرکٹ ٹیم کے ہیڈ کوچ گوتم گمبھیر نے کہا ہے کہ 2027 کے ون ڈے ورلڈ کپ سے قبل ہاردک پانڈیا اور جسپریت بمراہ کا مکمل فٹنس، ردھم اور میچ ٹائم حاصل کرنا بھارت کے لیے انتہائی اہم ہوگا۔ ایک انٹرویو کے دوران گوتم گمبھیر نے کہا کہ جنوبی افریقا میں ہونے والے ورلڈ کپ میں ہاردک پانڈیا اور جسپریت بمراہ بھارتی ٹیم کے لیے انتہائی اہم کردار ادا کریں گے۔ گوتم گمبھیر کے مطابق ہاردک پانڈیا کی آل راؤنڈ صلاحیت انہیں خاص بناتی ہے کیونکہ وہ نمبر 6 یا 7 پر بیٹنگ کے ساتھ 10 اوورز بھی کرانے کی صلاحیت رکھتے ہیں اور میچ پر نمایاں اثر ڈال سکتے ہیں۔ انہوں نے کہا کہ ہاردک نے آئی پی ایل کے بعد زیادہ کرکٹ نہیں کھیلی، اس لیے ون ڈے کرکٹ میں واپسی کی صورت میں انہیں میچ پریکٹس کی کمی محسوس ہوسکتی ہے۔ ہاردک کے لیے پہلے کچھ ٹی 20 کرکٹ کھیلنا اور اس کے بعد ون ڈے فارمیٹ میں آنا مفید ہوسکتا ہے۔ گوتم گمبھیر نے واضح کیا کہ ورلڈ کپ میں کسی بھی کھلاڑی کا آدھی تیاری کے ساتھ جانا مناسب نہیں، اس لیے ٹورنامنٹ سے قبل کھلاڑیوں کے پاس مناسب گیم ٹائم اور بہترین ردھم ہونا ضروری ہے۔ جسپریت بمراہ کے حوالے سے بھارتی ہیڈ کوچ نے کہا کہ ان کے لیے بھی ون ڈے کرکٹ کے ساتھ ٹیسٹ کرکٹ اہم ہے۔ ٹیم مینجمنٹ کو یہ طے کرنا ہوگا کہ بمراہ کے لیے کتنا ورک لوڈ اور کتنا گیم ٹائم مثالی ہوگا۔ گوتم گمبھیر نے کہا کہ ورلڈ کپ جیسے بڑے ٹورنامنٹ میں غلطیوں کی گنجائش بہت کم ہوتی ہے، اس لیے ہاردک پانڈیا اور جسپریت بمراہ کی میچ تیاری اور ورک لوڈ مینجمنٹ پر خصوصی توجہ دینا ضروری ہوگا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل