سانحہ پمز کی انکوائری رپورٹ عدالت میں جمع نہ کرائی جاسکتی، وفاق نے مہلت مانگ لی

سانحہ پمز کی انکوائری اور ایگزیکٹیو ڈائریکٹر کو عہدہ سے ہٹانے کے کیس میں وفاق اوردیگر فریقین کی جانب سے جواب جمع نہ کرایا جاسکا۔ ایکسپریس نیوز کے مطابق اسلام آباد ہائیکورٹ میں چیف جسٹس سرفراز ڈوگر نے ناصر عظیم، ناصر اے مجاہد اور ڈاکٹر محمد اقبال کی درخواستوں پر سماعت کی۔ وفاقی کی جانب سے ایڈیشنل اٹارنی جنرل راشد حفیظ اور دیگر عدالت میں پیش ہوئے۔  دوران سماعت چیف جسٹس اسلام آباد ہائیکورٹ نے ریمارکس دیے کہ فریقین کے جواب ابھی نہیں آئے، اس پر اٹارنی جنرل نے کہا کہ انکوائری تقریبا مکمل ہوچکی ہے، وزیر اعظم نے احکامات جاری کرنے ہیں۔ اٹارنی جنرل نے عدالت سے انکوائری اور ایگزیکٹیو ڈائریکٹر کو عہدے سے ہٹانے کیلیے رپورٹ جمع کرانے کیلیے تین ہفتے کا وقت مانگا جس کو عدالت نے دو ہفتوں سے منظور کرتے ہوئے مہلت دے دی۔ عدالت نے آئندہ سماعت تک پیراوائز کمنٹس جمع کرانے کی ہدایت کرتے ہوئے 2 ہفتے بعد کی اگلی تاریخ جاری کردی۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل