پشاور میں 10 سالہ بچی سے مبینہ اجتماعی زیادتی

خیبرپختونخوا کے دارالحکومت پشاور میں 10 سالہ بچی کے ساتھ مبینہ اجتماعی زیادتی کا افسوسناک واقعہ پیش آیا ہے۔ ایکسپریس نیوز کے مطابق پشاور کے علاقے چمکنی میں 10 سالہ بچی کے ساتھ اجتماعی زیادتی کا واقعہ پیش آیا جس پر پولیس نے متاثرہ کے والد کی مدعیت میں مقدمہ درج کرلیا۔ بچی کے والد کی مدعیت میں مقدمہ تھانہ چمکنی میں درج کیا گیا ہے۔ ایف آئی آر کے مطابق میری بیٹی چار پانچ دن سے بے ہوشی کی حالت میں اور بولنے کے قابل نہیں تھی۔ ایف آئی آر کے مطابق ہوش میں آنے پر بیٹی نے بتایا کہ تین مبینہ ملزمان نے پیسے دینے کے بہانے خالی کوارٹر میں لے گئے اور باری باری تینوں نے زیادتی کا نشانہ بنایا۔ پولیس نے واقعے کا مقدمہ درج کرنے کے بعد واقعے کی تفتیش شروع کردی جبکہ متاثرہ کا میڈیکل ٹیسٹ بھی کروانے کا فیصلہ کیا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل