ایپل کے پہلے فولڈ ایبل آئی فون کو خریداروں کی شکایات کا سامنا

ایپل کے پہلے فولڈ ہونے والے اسمارٹ فون آئی فون ڈو کی فروخت شروع ہوتے ہی بعض ابتدائی خریداروں نے اس کی اندرونی فولڈنگ اسکرین میں دراڑیں پڑنے کی شکایات کی ہیں۔ رپورٹس کے مطابق بعض صارفین کے فون کی اسکرین فولڈنگ حصے کے قریب خراب ہوئی۔         View this post on Instagram                       ایک آسٹریلوی خریدار نے دعویٰ کیا کہ تقریباً چھ گھنٹے استعمال اور فون کو 20 مرتبہ سے بھی کم کھولنے کے بعد اسے غیر معمولی مزاحمت محسوس ہوئی، جس کے بعد اسکرین سے کریک کی آواز آئی اور فولڈنگ لائن کے ساتھ ڈسپلے خراب ہوگیا۔ صارف کا کہنا تھا کہ فون گرا نہیں تھا اور باہر سے بھی کوئی نمایاں نقصان موجود نہیں تھا۔ بعد ازاں ایپل اسٹور نے اس کا فون تبدیل کردیا۔         View this post on Instagram                       چین اور دیگر ممالک سے بھی ایسی تصاویر سامنے آئی ہیں جن میں فولڈنگ اسکرین کے درمیان روشن لکیروں اور دراڑوں کو دیکھا جاسکتا ہے۔ تاہم ابھی یہ واضح نہیں کہ یہ مسئلہ کتنے فونز میں پیش آیا ہے اور آیا یہ کسی وسیع پیمانے پر مینوفیکچرنگ یا ڈیزائن کی خرابی ہے یا نہیں۔ ایپل نے بھی تاحال ان واقعات کی وجہ کے بارے میں باضابطہ نتائج جاری نہیں کیے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل