چیف آف دی نیول اسٹاف امیچورز گالف کپ کا ٹائٹل احمد سلطان کیانی نے اپنے نام کر لیا

19ویں چیف آف دی نیول اسٹاف امیچورز گالف کپ 2026 کا ٹائٹل احمد سلطان کیانی نے اپنے نام کر لیا ہے، جبکہ احمد ظفر حیات نے سینئرز، امی چن (Ami Qin) نے لیڈیز (WAGR)، دعا فرید راؤ نے لیڈیز اور مصطفی زبیر نے جونیئرز کیٹیگری میں بالترتیب شاندار کارکردگی کا مظاہرہ کرتے ہوئے فاتح ہونے کا اعزاز حاصل کیا۔  اس چار روزہ پروقار ٹورنامنٹ کی اختتامی تقریب کے مہمانِ خصوصی چیف آف دی نیول اسٹاف ایڈمرل نوید اشرف تھے، جنہوں نے نمایاں پوزیشنز حاصل کرنے والے کھلاڑیوں میں انعامات تقسیم کیے۔ اس موقع پر تقریب سے خطاب کرتے ہوئے نیول چیف نے تمام کامیاب گالفرز کو مبارکباد پیش کی اور مقابلے میں شریک کھلاڑیوں کی بہترین مہارت، محنت اور اعلیٰ سپورٹس مین شپ کے معیار کو زبردست الفاظ میں سراہا۔  انہوں نے ایونٹ کو شاندار طریقے سے کامياب بنانے پر اسپانسرز، میڈیا اور مارگلہ گرینز گالف کلب کی انتظامیہ کی مسلسل کاوشوں اور تعاون کی بھی تعریف کی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل