سابق کپتان محمد حفیظ نے انڈر 19 اسکواڈ میں تجربہ کار کھلاڑیوں کے انتخاب پر سوالات اٹھا دیے

پاکستان کے سابق کپتان محمد حفیظ نے انڈر 19 ایشیا کپ 2026 کے لیے قومی اسکواڈ کے انتخاب پر سوالات اٹھاتے ہوئے کہا ہے کہ انڈر 19 کرکٹ نوجوان کھلاڑیوں کی صلاحیتیں نکھارنے کا مرحلہ ہے، اسے صرف ٹورنامنٹ جیتنے تک محدود نہیں ہونا چاہیے۔ پاکستان کرکٹ بورڈ نے منگل کو عمان میں 5 سے 14 نومبر تک ہونے والے اے سی سی انڈر 19 ایشیا کپ کے لیے 15 رکنی اسکواڈ کا اعلان کیا جس میں فرحان یوسف کپتان برقرار ہیں۔ گزشتہ سال کے انڈر 19 ایشیا کپ اسکواڈ کے 10 کھلاڑیوں کو دوبارہ موقع دیا گیا ہے۔ محمد حفیظ نے سماجی رابطے کی ویب سائٹ ایکس پر لکھا کہ ہر سال تقریباً 400 کھلاڑی علاقائی انڈر 19 ٹورنامنٹس میں حصہ لیتے ہیں۔ بار بار پہلے سے تجربہ کار کھلاڑیوں کو صرف جیت کے لیے منتخب کرنے سے ابھرتے ہوئے کرکٹرز کی امیدوں کو نقصان پہنچ سکتا ہے۔ تاہم انہوں نے پاکستان کرکٹ کے لیے نیک تمناؤں کا اظہار بھی کیا۔ U-19 cricket is a development phase for age group cricketers. Every year almost 400 players participate in regional U-19 tournaments. Selecting developed players again & again just for a win can dent the hopes for many aspiring cricketers future. Nevertheless best wishes as… pic.twitter.com/q2D9PJ9AmR — Mohammad Hafeez (@MHafeez22) October 28, 2026 اسکواڈ میں شامل فاسٹ بولر علی رضا 2024 کے انڈر 19 ورلڈ کپ سے پاکستان کے عمر کے لحاظ سے مخصوص ٹیموں کا حصہ ہیں اور پاکستان سپر لیگ میں پشاور زلمی کی نمائندگی بھی کرچکے ہیں۔ کپتان فرحان یوسف بھی 2024 کے ایشیا کپ اور 2026 کے انڈر 19 ورلڈ کپ میں پاکستان کی قیادت کرچکے ہیں۔ پاکستان نے 2025 کے انڈر 19 ایشیا کپ کے فائنل میں بھارت کو شکست دے کر ٹائٹل جیتا تھا۔ پاکستان انڈر 19 اسکواڈ میں فرحان یوسف (کپتان)، عبدالقادر (وکٹ کیپر)، عبدالصمد، احمد حسین، علی رضا، حمزہ ظہور (وکٹ کیپر)، حسنین عباس ڈار، حایم خان، حذیفہ احسن، جہانگیر بلال، محمد حذیفہ، محمد سیام، نقاب شفیق، رضوان اللہ اور عثمان خان شامل ہیں۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل