کے پی میں دہشت گردی کے بجائے تجاوزات کیخلاف آپریشنز ہورہے ہیں، شوکت یوسفزئی

پی ٹی آئی خیبرپختونخوا کے سیکریٹری اطلاعات شوکت یوسف زئی نے رانا ثنا کے بیان پر کہا ہے کہ پی ٹی آئی نے کبھی دہشت گردی کے خلاف جنگ کی مخالفت نہیں کی گورنر راج سرکار نے 16 دنوں میں ایسا کون سا کام کیا جو پی ٹی آئی نہیں کر رہی تھی؟ اپنے بیان میں انہوں ںے کہا کہ حکومت ضد اور انا میں پھنسی ہے، معیشت تباہ ہو رہی ہے  مہنگائی اور بےروزگاری کا جن بے قابو ہو چکا ہے، حکومت ہر شعبے میں ناکام دکھائی دے رہی ہے، ملک کو اس نازک صورتحال سے نکالنے کے لیے تمام سیاسی جماعتیں اپنا کردار ادا کریں۔ شوکت یوسف زئی نے کہا کہ دہشت گردی کے خاتمے کیلئے ہمیشہ اداروں کا ساتھ دیا ہے، گورنر خیبر پختونخوا فیصل کریم کنڈی کی ترجیحات بدل رہی ہیں، دہشت گردی کے خلاف آپریشن کی بجائے تجاوزات کے خلاف آپریشن پر فوکس کیا ہوا ہے، چند دنوں ہی میں پورا خیبر پختونخوا کھنڈرات میں بدل گیا ہے۔ انہوں نے کہا کہ ان حالات میں غریبوں سے روزگار چھیننا کوئی دانشمندی نہیں، پنجاب گندم پیدا کرنے والا صوبہ ہے آج وہاں بھی آٹے کا بحران ہے، موجودہ بحرانوں کا حل صرف اور صرف مذاکرات ہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل