59 سالہ خاتون کا ایک گھنٹے میں 1575 پش اپس لگانے کا ریکارڈ

کینیڈا کی ایک ادھیڑ عمر خاتون نے ایک گھنٹے میں 1575 پُش اپس لگا کر اپنا دوسرا گینیز ورلڈ ریکارڈ قائم کر دیا۔ البرٹا سے تعلق رکھنے والی 59 سالہ ڈونا جین وائلڈ نے خواتین کی کیٹگری میں ایک گھنٹے کے اندر زیادہ پش اپس لگانے کا چیلنج اٹھایا اور وقت پورا ہونے سے 17 منٹ پہلے گزشتہ ریکارڈ کو عبور کر گئیں۔ گینیز ورلڈ ریکارڈ سے گفتگو کرتے ہوئے ڈونا جین وائلڈ کا کہنا تھا کہ وہ خوشی کے آنسوؤں اور جذبات سے لڑتی رہیں اور کوشش جاری رکھی۔ انہوں کہا کہ وہ باقی 17 منٹوں میں زیادہ سے زیادہ پش اپس لگانے کا ارادہ رکھتی تھیں۔ اس سے قبل ڈونا خواتین کی کیٹگری میں 4 گھنٹے 30 منٹ اور 11 سیکنڈ تک ایبڈومنل (پیٹ کے بل) پلینک پوزیشن کا گینیز ورلڈ ریکارڈ بھی اپنے نام کر چکی ہیں۔ خاتون نے جب اس ریکارڈ کی کوشش کی تو موقع پر ان کے 12 پوتے پوتیوں اور نواسے نواسیوں میں سے 11 موجود تھے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل