چیمپئنز ٹرافی کی ایدھی چلڈرن ہوم میں نمائش

انٹرنیشنل کرکٹ کانفرنس(آئی سی سی) نے عالمی دورے پر نکلی چیمپنز ٹرافی کی پاکستان آمد کے موقع پر لاوارث اور معصوم بچوں کو بھی یاد رکھا۔ آئی سی سی کے تحت دنیا بھر کے سفر پر کے دوران دورہ پاکستان کے آخری مرحلے میں کراچی میں موجود چیمپئنز ٹرافی کو جمعرات کو ایدھی چلڈرن ہوم پہنچایا گیا۔بے گھر اور لاوارث بچوں کے لیے کورنگی میں قائم  مرکز میں آئی سی سی چیمپینز ٹرافی کی نمائش کی گئی۔ اس موقع پر مرکز میں موجود معصوم بچوں کے چہروں پر مسرت اور شادمانی  پھیل گئی۔اگلے برس پاکستان میں شیڈول آئی سی سی چیمپئنز ٹرافی 2025 کو اپنے درمیان دیکھ کر بچے خوشی سے پھولے نہ سما رہے تھے۔ اس موقع پر لاوارث بچوں کی بڑی تعداد ٹرافی کے گرد جمع ہو گئی اور تالیاں بجا کر اپنے جذبات کا اظہار کیا۔ انہوں نے ٹرافی کے ساتھ تصاویر بھی بنوائیں۔ ادارے کے منتظمین نے  معاشرے سے ٹھکرائے جانے والے بچوں کو یاد رکھنے پر انٹرنیشنل  کرکٹ کی تنظیم آئی سی سی کا شکریہ ادا کیا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل