منشیات ڈیلر انمول پنکی کے خلاف کیس کا عبوری چالان منظور

جوڈیشل مجسٹریٹ جنوبی نے کوکین ڈیلر انمول عرف پنکی کے خلاف منشیات کے مقدمے کا عبوری چالان منظور کرلیا۔ جوڈیشل مجسٹریٹ جنوبی کی عدالت کے روبرو انمول عرف پنکی کے خلاف منشیات کے مقدمے کی سماعت ہوئی، جہاں ایس آئی یو پولیس نے عبوری چالان جمع کرایا۔ جوڈیشل مجسٹریٹ نے عبوری چالان منظور کرتے ہوئے مقدمہ ڈسٹرکٹ اینڈ سیشن جج کی عدالت میں منتقل کردیا۔ بعد ازاں ڈسٹرکٹ اینڈ سیشن جج کی عدالت نے مقدمہ سماعت کے لیے ایڈیشنل ڈسٹرکٹ اینڈ سیشن جج کی عدالت میں منتقل کردیا۔ عبوری چالان کے مطابق ملزمہ انمول عرف پنکی نے منشیات کا بڑا نیٹ ورک بنا رکھا تھا۔ چالان میں کہا گیا ہے کہ ملزمہ اپنے سہولتکاروں کے ذریعے منشیات سپلائی کرتی تھی۔ ایس آئی یو پولیس کے عبوری چالان میں انمول عرف پنکی کو گرفتار ظاہر کیا گیا ہے۔ مقدمے کی مزید سماعت ایڈیشنل ڈسٹرکٹ اینڈ سیشن جج کی عدالت میں ہوگی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل