دنیا میں سب سے سستا پیٹرول پاکستان کے کس پڑوسی ملک میں ملتا ہے؟ فہرست سامنے آگئی

پیٹرولیم مصنوعات کی بڑھتی ہوئی قیمتوں سے دنیا بھر میں مہنگائی کے طوفان نے جنم لیا ہے جس نے عوام کی کمر توڑ کر رکھ دی ہے۔ عالمی خبر رساں ادارے کے مطابق دنیا میں اس وقت کئی ممالک ایسے بھی ہیں جہاں پیٹرول کی قیمتیں کم ہیں۔ اس درجہ بندی کے ساتھ فہرست منظر عام پر آگئی۔ دنیا میں سب سے سستا پیٹرول 7.98 روپے فی لٹر مل رہا ہے۔ شاید آپ کو اس قیمت پر یقین نہ آئے لیکن اگر آپ ایران میں ہیں تو اس قیمت پر پیٹرول لے سکتے ہیں۔ ایران کے بعد سب سے سستا پیٹرول دینے والا ملک جنگ زدہ لیبیا ہے جہاں ایک لٹر پیٹرول 8 روپے 52 پیسے کا ملے گا۔ تیل کی نعمت سے مالامال ملک وینزویلا اس فہرست میں تیسرے نمبر پر ہے جہاں 9 روپے 76 پیسے فی لٹر پیٹرول کی قیمت ہے۔ چوتھا ملک انگولا ہے جہاں 91 روپے 58 پیسے فی لٹر ہے۔ مصر 94 روپے 39 پیسے کے ساتھ پانچویں نمبر ہے اور ان کے بعد الجزائر، کویت، ترکمانستان، ملائشیا اور قازقستان بالترتین چھٹے سے دسویں نمبر پر ہیں۔ دنیا کے سستے ترین پیٹرول کی قیمت رکھنے والے ممالک کی فہرست میں پاکستان کا نمبر 36 ہے جب کہ بنگلادیش46 جبکہ بھارت 73 ویں نمبر پر ہے۔ مہنگے ترین داموں میں پیٹرول دینے والے ممالک کی فہرست میں ہانگ کانگ اوّل نمبر پر براجمان ہے جہاں فی لیٹر پیٹرول 950 روپے 4 پیسے میں ملتا ہے۔ اس کے بعد بالترتیب آئس لینڈ، ڈنمارک، نیدرلینڈ، سنگاپور، اسرائیل، سوئٹزرلینڈ، یونان، بارباڈوس اور ناروے کا نمبر آتا ہے۔    

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل