ملازمہ کیساتھ معاشقہ؛ سی ای او کی اہلیہ کا ردعمل سامنے آگیا

کمپنی کی خاتون ایچ آر منیجر کے ساتھ کنسرٹ میں بانہوں میں بانہیں ڈالے رنگے ہاتھوں پکڑے جانے والے سی ای او کی اہلیہ میگن بائرن نے اپنے نام سے شوہر کا نام ہٹادیا۔ امریکی خبر رساں ادارے کے مطابق معروف کمپنی "ایسٹرونومر" (Astronomer) کے سی ای او اینڈی بائرن کی اہلیہ نے سوشل میڈیا پر اپنے نام سے ’سر نیم‘ ہتا دیا۔ میگن کے اس اقدام سے جوڑے کے درمیان ممکنہ علیحدگی کی خبریں مزید جڑ پکڑ گئیں۔ اگرچہ سی ای او کی اہلیہ نے لائیو کیمرے پر شوہر کا معاشقہ پکڑے جانے پر تاحال کوئی بیان نہیں دیا ہے۔ تاہم سوشل میڈیا پر اہلیہ میگن کو ہمدردی اور حمایت کے پیغامات کی بھرمار دیکھنے کو ملی ہے۔ خیال رہے کہ اینڈی بائرن کی اہلیہ میگن ن کے دو بچوں کی ماں بھی ہیں اور وہ عوامی سطح پر بہت ہی کم نظر آنے والی شخصیت ہیں۔  واضح رہے کہ ایک کنسرٹ کے دوران بڑی اسکرین پر پریمی جوڑے کی تصویر سامنے آئی جس میں مرد نے خاتون کو بانہوں میں لیا ہوتا ہے۔ جیسے ہی جوڑے کی ویڈیو اسکرین پر نظر آتی ہے شائقین نے نوٹس کیا اور گلوکار نے بھی کمنٹ پاس کیا۔ تاہم جوڑے نے خود کو اسکرین پر دیکھ کر غیر متوقع ردعمل دیا۔ مرد سیٹ کے نیچے چھپنے کی کوشش کرتا ہے اور خاتون نے منہ موڑ کر چہرہ چھپانے کی کوشش کی۔ لیکن بہت دیر ہوچکی تھی۔ یہ ویڈیو دیکھتے ہی دیکھتے سوشل میڈیا پر وائرل ہوگئی اور سب کو معلوم ہوگیا کہ یہ خفیہ پریمی جوڑا کون ہے۔ یہ اینڈی بائرن تھے جو معروف کمپنی کے سی ای او ہیں اور جن خاتون کو بانہوں میں لیا ہوا ہے وہ کرسٹن کیبوٹ ہے جو اسی کمپنی کی ایچ آر منیجر ہیں۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل