ڈونلڈ ٹرمپ نے انتخابی نتائج دیکھنے کے لیے انتظامات کر لیے

ڈونلڈ ٹرمپ نے پولنگ کا عمل ختم ہونے کے بعد پارٹی ورکرز اور مہمانوں کے ہمراہ انتخابی نتائج دیکھنے کے لیے الیکشن آفس میں انتظامات کر لیے ہیں۔ الیکشن آفس میں تمام بڑے نیوز چینلز کی اسکرینیں لگا دی گئی ہیں، یہ انتظام ڈونلڈ ٹرمپ کی انتخابی واچ پارٹی کے مقام کے اندر قائم کیا گیا ہے، جہاں ان کے حامیوں اور قوم سے خطاب کے لیے اسٹیج بھی تیار کیا گیا ہے۔ ایک بینر لٹکا ہوا ہے جس پر لکھا ہے کہ 'ٹرمپ اسے ٹھیک کریں گے'، اس سلوگن کو ڈونلڈ ٹرمپ نے اپنی انتخابی مہم میں متعدد بار استعمال کیا۔  ساؤنڈ ٹیسٹنگ جاری ہے اور بڑی اسکرینیں مختلف ٹی وی نیٹ ورکس کی کوریج کو پیش کر رہی ہیں۔ جلد ہی مدعو مہمان کے آنے کا سلسلہ شروع ہونے والا ہے، جو ڈونلڈ ٹرمپ کے ہمراہ انتخابی نتائج دیکھیں گے۔ تاہم فی الحال ڈونلڈ ٹرمپ مار لاگو میں عشائیہ کریں گے اور اگلے چند گھنٹے قریبی خاندان، دوستوں اور ایلن مسک جیسے عطیہ دہندگان کے ساتھ گزاریں گے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل