برکس اتحاد نے غزہ کو فلسطین کا ’ناقابلِ تقسیم حصہ‘ قرار دے دیا

دنیا کی ابھرتی ہوئی معیشتوں کے اتحاد برکس نے واضح کیا ہے کہ غزہ کی پٹی "مقبوضہ فلسطینی علاقے کا ناقابلِ تقسیم حصہ" ہے اور اسے مغربی کنارے کے ساتھ فلسطینی اتھارٹی کے تحت یکجا کیا جانا چاہیے۔ برکس اجلاس کے اعلامیے میں فلسطینی عوام کے حقِ خودارادیت اور آزاد ریاستِ فلسطین کے قیام کے حق کی دوبارہ توثیق کی گئی۔ اعلامیے میں کہا گیا کہ اسرائیل کے مسلسل حملے، انسانی امداد کی راہ میں رکاوٹیں، اور قحط کو بطورِ جنگی ہتھیار استعمال کرنے پر شدید تشویش ہے۔ برکس اتحاد نے عالمی برادری سے مطالبہ کیا کہ: فوری، مستقل اور غیر مشروط جنگ بندی کے لیے نیک نیتی سے مذاکرات کیے جائیں۔ اسرائیلی افواج کو غزہ اور دیگر تمام مقبوضہ فلسطینی علاقوں سے مکمل طور پر واپس بلایا جائے۔ تمام قیدیوں اور مغویوں کی رہائی کو یقینی بنایا جائے۔ انسانی امداد کی بلا رکاوٹ، مسلسل اور آزادانہ فراہمی کو ممکن بنایا جائے۔ اجلاس میں اقوام متحدہ میں ریاستِ فلسطین کی مکمل رکنیت کی حمایت کا بھی اعادہ کیا گیا اور کہا گیا کہ دو ریاستی حل ہی پائیدار امن کا راستہ ہے۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل