کراچی، مختلف علاقوں میں فائرنگ کے واقعات، ایک خاتون اور ایک شخص زخمی

شہر قائد میں کورنگی اور لانڈھی کے علاقوں میں فائرنگ کے واقعات میں ایک خاتون اور ایک شخص زخمی ہوگئے۔  تفصیلات کے مطابق کورنگی کے علاقے 3 نمبر بنگالی کیمپ عثمان مسجد کے قریب اتوار اور پیر کی درمیانی شب گھر میں پراسرار فائرنگ سے خاتون زخمی ہوگئی ، زخمی ہونے والی خاتون کو چھیپا ایمبولینس کے ذریعے جناح اسپتال منتقل کیا گیا۔  ترجمان کراچی پولیس کے مطابق زخمی ہونے والی خاتون کی شناخت 35 سالہ نذیرا زوجہ شریف کے نام سے کی گئی۔  ترجمان کراچی پولیس کا دعویٰ ہے کہ خاتون گھر کے اندر نامعلوم سمت سے آنے والی گولی لگنے سے زخمی ہوئی ہے، علاقہ پولیس واقعے کی تحقیقات کر رہی ہے۔  شرافی گوٹھ کے علاقے لانڈھی مرتضیٰ چورنگی فاروقی قبرستان کے قریب اتوار اور پیر کی درمیانی شب جھگڑے کے دوران فائرنگ سے ایک شخص زخمی ہوگیا۔  زخمی ہونے والے شخص کو چھیپا ایمبولینس کے ذریعے جناح اسپتال منتقل کیا گیا ، ترجمان کراچی پولیس کے مطابق زخمی ہونے والے شخص کی شناخت 28 سالہ نوید ولد جہانگیر کے نام سے کی گئی، علاقہ پولیس واقعے کی تحقیقات کر رہی ہے ۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل