ڈرگ ڈیلر پنکی پر ڈرامہ بنانے کی مخالفت، حنا پرویز بٹ کی میڈیا انڈسٹری پر تنقید

پاکستان مسلم لیگ (ن) کی رہنما حنا پرویز بٹ نے سوشل میڈیا پر اپنے بیان میں مبینہ طور پر پنکی کی زندگی پر ڈرامہ بنانے کی خبروں کی مخالفت کرتے ہوئے کہا ہے کہ ایسے کرداروں کو ہیرو بنا کر پیش کرنا معاشرے کے لیے درست پیغام نہیں۔ حنا پرویز بٹ کا کہنا تھا کہ پنکی کوئی ایسا رول ماڈل نہیں جس کی زندگی کو ڈرامے کی شکل میں پیش کیا جائے۔ انہوں نے مؤقف اختیار کیا کہ منشیات فروشی یا جرائم سے وابستہ کرداروں کو سکرین پر مثالی شخصیت کے طور پر دکھانا ایک شرمناک عمل ہے اور اس سے معاشرے میں غلط رجحانات کو فروغ مل سکتا ہے۔ انہوں نے کہا کہ جرائم پیشہ افراد کو عوام کے سامنے ہیرو یا قابلِ تقلید شخصیت بنا کر پیش نہیں کیا جا سکتا۔ ان کے مطابق میڈیا اور تفریحی صنعت کی ذمہ داری ہے کہ وہ ایسے کرداروں کو اجاگر کرے جو معاشرے میں مثبت کردار ادا کر رہے ہوں اور نوجوان نسل کے لیے مثال بن سکیں۔ لیگی رہنما نے مزید کہا کہ ملک کی باوقار اور باکردار خواتین کی تذلیل کسی صورت قبول نہیں کی جا سکتی، جبکہ وہ خواتین جو مختلف شعبوں میں مثبت خدمات انجام دے رہی ہیں، انہیں نمایاں کرنا وقت کی ضرورت ہے۔ حنا پرویز بٹ نے افسوس کا اظہار کرتے ہوئے کہا کہ محض ویورشپ اور مالی فوائد کے لیے منفی کرداروں کی تشہیر کرنا درست طرزِ عمل نہیں۔ انہوں نے میڈیا انڈسٹری پر زور دیا کہ وہ اپنی ترجیحات پر نظرثانی کرے اور ایسے مواد کی حوصلہ شکنی کرے جو جرائم پیشہ عناصر کو غیر ضروری شہرت فراہم کرتا ہو۔ اگر پنکی پر واقعی کوئی ڈرامہ بنایا جا رہا ہے تو یہ انتہائی شرمناک اور چھچھوری حرکت ہے۔ پنکی کوئی رول ماڈل نہیں جس پر ڈرامے بنائے جائیں۔ یہ ان تمام عورتوں کی بے عزتی ہے جنہوں نے معاشرے میں مثبت کردار ادا کیا اور ابھی بھی کر رہی ہیں۔ہم کب تک viewership کے چکر میں اور پیسے کیلئے… pic.twitter.com/E3TfslnKK5 — Hina Parvez Butt (@hinaparvezbutt) June 5, 2026 انہوں نے مطالبہ کیا کہ جرائم سے وابستہ افراد کو رول ماڈل بنانے کے بڑھتے ہوئے رجحان کو فوری طور پر روکا جائے اور پنکی پر ڈرامہ بنانے کی کسی بھی کوشش کی حوصلہ شکنی کی جائے۔ ان کے بقول معاشرے کو مثبت اقدار اور تعمیری کرداروں کی ترویج کی ضرورت ہے، نہ کہ ایسے افراد کی تشہیر کی جو غلط سرگرمیوں سے منسلک رہے ہوں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل