لاہور: نوجوان کی جانب سے موج مستی کرتے ہوئے ہوائی فائرنگ کرنے والا نوجوان اسلحے سمیت گرفتار

ڈیفنس اے کے علاقے میں ویک اینڈ نائٹ کے دوران ایک نوجوان کی جانب سے موج مستی کرتے ہوئے ہوائی فائرنگ کرنے کا واقعہ پیش آیا، جس پر پولیس نے نوجوان اسامہ کو اسلحہ سمیت گرفتار کر لیا۔ ترجمان ڈی آئی جی آپریشنز کے مطابق ڈی آئی جی آپریشنز فیصل کامران نے واقعے کا نوٹس لیتے ہوئے ملزم کی فوری گرفتاری کا حکم دیا۔ ترجمان کے مطابق ہوائی فائرنگ کا واقعہ گزشتہ رات ڈیفنس اے کی حدود میں پیش آیا۔ ملزم کی گرفتاری کے لیے سیف سٹی اتھارٹی اور جدید ٹیکنالوجی کی مدد لی گئی، جبکہ ملزم کے زیر استعمال گاڑی کو بھی تحویل میں لے لیا گیا ہے۔ ملزم کے خلاف قانونی کارروائی جاری ہے۔ ڈی آئی جی آپریشنز فیصل کامران نے کہا کہ ہوائی فائرنگ اور اسلحہ کی نمائش پر زیرو ٹالرنس کی پالیسی اپنائی گئی ہے، شہریوں کی جان و مال کا تحفظ اولین ترجیح ہے، جبکہ سوشل میڈیا کے ذریعے اسلحہ کی نمائش کرنے والوں کے خلاف بھی کارروائی کی جا رہی ہے۔ انہوں نے کہا کہ اسلحہ کی نمائش اور ہوائی فائرنگ میں ملوث عناصر کے خلاف کارروائیاں جاری رہیں گی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل