لاہور ہائیکورٹ کا بچوں کی چیخ و پکار کے باوجود والد سے لے کر ماں کے حوالے کرنے کا حکم

لاہور ہائی کورٹ نے تین بچوں کو والد سے لے کر ماں کے حوالے کرنے کا حکم دے دیا جبکہ احاطہ عدالت میں بچے چیخ و پکار کرتے رہے، بچے اپنی دادی اور پھوپھو کے ساتھ جانے کی ضد کرتے رہے۔ لاہور ہائی کورٹ کے جسٹس صادق محمود خرم نے خاتون ندا محمود کی درخواست پر سماعت کی جہاں ایڈووکیٹ فائزہ نصیر نے عدالت کو بتایا کہ خاوند نے مارپیٹ کر گھر سے نکال دیا اور بچے چھین لیے۔ انہوں نے کہا کہ کم سن بچے والدہ کے بغیر نہیں رہ سکتے، جس پر عدالت نے بچے بازیاب کرکے ماں کے حوالے کرنے کا حکم دے دیا۔ عدالت کے حکم کے بعد احاطہ عدالت میں بچوں نے چیخ و پکار کی، بچوں نے دادی اور پھوپھو کے ساتھ جانے کی ضد کی، نند کا کہنا تھا کہ والدہ بچوں کو چھوڑ کر چلی گئی تھی۔ پولیس نے معاملے میں مداخلت کی اور والدہ بچوں کو لے کر عدالت سے روانہ ہو گئی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل