امریکی کھیلوں کی تاریخ کا مہنگا ترین سودا، فرنچائز لیکرز 12.5 ارب ڈالر میں فروخت

این بی اے کی معروف فرنچائز لاس اینجلس لیکرز کو کاروباری شخصیات جوش کشنر اور باب ایگر 12.5 ارب ڈالر کی ریکارڈ قیمت میں خرید رہے ہیں۔ غیرملکی خبر رساں ایجنسی کے مطابق معاہدے سے واقف ایک شخص نے نام ظاہر نہ کرنے کی شرط پر فروخت کی قیمت کی تصدیق کی۔ تاہم دونوں فریقوں نے معاہدے کی مخصوص تفصیلات ظاہر نہیں کیں۔ یہ امریکی پروفیشنل کھیلوں کی تاریخ میں کسی ٹیم کی فروخت کی سب سے بڑی قیمت ہے۔ لیکرز کی گزشتہ سال قیمت تقریباً 10 ارب ڈالر لگائی گئی تھی، جب مارک والٹر نے بس خاندان سے ٹیم میں کنٹرولنگ حصص خریدے تھے۔ جوش کشنر اور باب ایگر اس سے قبل لاس ویگاس کے لیے این بی اے کی توسیعی ٹیم حاصل کرنے کی کوشش کر رہے تھے، تاہم لیکرز کی خریداری کے بعد انہیں توسیعی ٹیم کے فیصلے کا انتظار نہیں کرنا پڑے گا۔ لکز کی فروخت کو اب این بی اے کے بورڈ آف گورنرز کی منظوری درکار ہوگی، جس کا اجلاس اگلے ماہ نیویارک میں متوقع ہے۔ این بی اے کی ٹیموں کی قدر میں حالیہ برسوں کے دوران غیر معمولی اضافہ ہوا ہے۔ تین سال قبل مائیکل جارڈن نے شارلٹ ہارنٹس میں اپنا اکثریتی حصہ تقریباً 3 ارب ڈالر کی قدر پر فروخت کیا تھا جبکہ گزشتہ سال بوسٹن سیلٹکس کی فروخت 6 ارب ڈالر سے زائد پر ہوئی تھی۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل