کیا اداکار عمران اشرف کا انتقال ہو گیا ہے؟ حقیقت جانیے

پاکستان کے معروف اداکار عمران اشرف سے متعلق سوشل میڈیا پر گردش کرنے والی موت کی خبر نے مداحوں کو تشویش میں مبتلا کیا تو اداکار نے خود وضاحت جاری کر دی۔ سوشل میڈیا پر حال ہی میں ایک مبینہ اے آئی سے تیار کردہ ویڈیو تیزی سے وائرل ہوئی جس میں دعویٰ کیا گیا کہ عمران اشرف انتقال کر گئے، جس کے بعد اداکار نے سوشل میڈیا پلیٹ فارم انسٹاگرام پر اسٹوری شیئر کر کے اس خبر کی تردید کی۔ اداکار نے اسٹوری میں لکھا کہ ’’الحمدللہ، میں بالکل ٹھیک ہوں اور میرے انتقال سے متعلق سوشل میڈیا پر وائرل ہونے والی خبر جعلی ہے‘‘۔         View this post on Instagram                       عمران اشرف سے متعلق جعلی خبر سامنے آنے کے بعد سوشل میڈیا صارفین نے اے آئی کے ذریعے بنائے جانے والے گمراہ کن مواد پر بھی تشویش کا اظہار کیا اور حساس نوعیت کی خبروں کو تصدیق کے بغیر شیئر نہ کرنے پر زور دیا۔ واضح رہے کہ عمران اشرف کا شمار پاکستان کے مقبول اداکاروں میں ہوتا ہے۔ انہیں بالخصوص ڈرامہ’رانجھا رانجھا کردی‘ میں بھولا کے کردار سے شہرت حاصل ہوئی۔ وہ مقبول کامیڈی پروگرام ’مذاق رات‘ کی میزبانی بھی کر رہے ہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل