گال ٹیسٹ: دنیش چندیمل کی جگہ پسندو سوریابندارا کا کنکشن متبادل کے طور پر ڈیبیو

گال ٹیسٹ میں سری لنکا کے دنیش چندیمل کی جگہ پسندو سوریابندارا کو کنکشن متبادل کے طور پر ڈیبیو کا موقع مل گیا۔ تفصیلات کے مطابق دنیش چندیمل نے فیلڈنگ کے دوران کے ایل راہول کے شاٹ کو روکنے کے لیے ڈیپ مڈ وکٹ سے ڈیپ اسکوائر لیگ کی جانب دوڑتے ہوئے مکمل ڈائیو لگائی تھی۔ وہ گیند روک کر 2 رنز بچانے میں تو کامیاب رہے تاہم کندھے اور گردن کے بل بری طرح گرنے کے باعث شدید تکلیف میں دکھائی دیے۔ بعد ازاں انہیں احتیاطی اسکین کے لیے اسپتال منتقل کیا گیا جہاں سری لنکا کرکٹ کے مطابق اسکین کلیئر رہا اور اندرونی چوٹ کے کوئی آثار نہیں ملے۔ سوریابندارا نے متبادل فیلڈر کے طور پر میدان میں شاندار کیچ بھی پکڑا اور رویندرا جدیجا کو 8 رنز پر پویلین بھیجا۔ India Tour of Sri Lanka 2026: Team Update Pasindu Sooriybandara comes in as the 'concussion replacement' for Dinesh Chandimal Dinesh Chandimal sustained an injury while fielding during the first session of the day fourth day, hitting his shoulder and head hard on the ground.… pic.twitter.com/Hx8DuhksF7 — Sri Lanka Cricket ???????? (@OfficialSLC) August 18, 2026 وہ 68 فرسٹ کلاس میچز میں 54.36 کی شاندار اوسط اور 14 سنچریوں کے مالک ہیں۔ واضح رہے کہ بھارتی ٹیم دوسری اننگز میں 193 رنز پر آل آؤٹ ہوگئی اور سری لنکا کو جیت کے لیے 372 رنز کا ہدف ملا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل