گھر میں موجود اس عام چیز سے استری کے جلے ہوئے سیاہ داغ ہمیشہ کے لیے غائب کریں

استری کے مسلسل استعمال سے اس کی نچلی سطح پر جلے ہوئے سیاہ داغ پڑنا عام بات ہے، جو نہ صرف کپڑوں کو خراب کر سکتے ہیں بلکہ استری کرتے وقت ناگوار بو کا باعث بھی بن سکتے ہیں۔ ایسی صورت میں نئی استری خریدنے کے بجائے گھر میں موجود ایک عام چیز، جیسے نمک مددگار ثابت ہو سکتی ہے۔ طریقہ کار: اس آسان گھریلو طریقے کے لیے کسی نرم کپڑے پر چند کھانے کے چمچ عام نمک پھیلائیں اور استری کو گرم کر کے احتیاط کے ساتھ نمک والے کپڑے پر آگے پیچھے چلائیں۔ اس عمل سے استری کی سطح پر موجود جلے ہوئے نشانات بتدریج صاف ہونے لگیں گے۔ داغ صاف ہونے کے بعد استری کو مکمل طور پر ٹھنڈا ہونے دیں اور پھر نم کپڑے سے اس کی سطح صاف کر دیں تاکہ نمک کے باقی ذرات بھی دور ہو جائیں۔ یہ سادہ طریقہ جلی ہوئی استری کی سطح کو صاف کرنے میں مدد دے سکتا ہے اور نئی استری خریدنے کا خرچ بھی بچا سکتا ہے۔ احتیاط: یہ طریقہ استعمال کرنے سے پہلے استری بنانے والی کمپنی کی صفائی سے متعلق ہدایات ضرور دیکھیں، خصوصاً اگر استری کی پلیٹ پر نان اسٹک یا خصوصی کوٹنگ موجود ہو۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل