گولف کے اشتہار میں خاتون سے مبینہ بدسلوکی پر امریکی کمپنی نے معافی مانگ لی

امریکی گولف کانٹینٹ کمپنی گڈ گڈ نے نئے گولف ڈرائیور کے متنازع اشتہار پر معذرت کرتے ہوئے اسے اپنے تمام پلیٹ فارمز سے ہٹا دیا ہے۔ اشتہار میں ایک خاتون گولفر کو گولف کلب لینے کی کوشش پر زمین پر گراتے ہوئے دکھایا گیا تھا جس پر سوشل میڈیا صارفین نے شدید ردعمل کا اظہار کیا۔ یوٹیوب پر لاکھوں سبسکرائبرز رکھنے والی کمپنی گڈ گڈ گولف کی دنیا میں نمایاں مقام رکھتی ہے۔ یہ اشتہار گولف کلب بنانے والی کمپنی کالاوے کے لیے تیار کیا گیا تھا۔ ویڈیو میں گڈ گڈ کے شریک بانی گیریٹ کلارک کو پروفیشنل گولفر الیکسس میسٹووسکی کی جانب تیزی سے بڑھتے اور انہیں زمین پر گراتے ہوئے دکھایا گیا جس کے بعد وہ اپنے نئے ڈرائیور کو ہاتھ نہ لگانے کا کہتے ہیں۔ Good Good Golf has deleted and apologized for this video where a man shoves a woman to the ground for reaching for his new Callaway club. Social media users, including several high-profile golf personalities, described the ad as scary and endorsing violence against women. — Front Office Sports (@FOS) August 23, 2026 گڈ گڈ نے اعتراف کیا کہ ویڈیو میں دکھائے گئے مناظر کمپنی کی اقدار سے مطابقت نہیں رکھتے اور کہا کہ وہ گولف کو سب کے لیے زیادہ جامع کھیل بنانے کے عزم پر قائم ہے۔ کالاوے نے بھی اشتہار پر مایوسی کا اظہار کیا جبکہ پی جی اے ٹور نے واضح کیا کہ وہ کسی بھی قسم کے تشدد کی حمایت نہیں کرتا اور یہ ویڈیو اس کی اقدار کی نمائندگی نہیں کرتی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل