لیونل میسی کے شاندار کیریئر پر ایک نظر

ارجنٹائن کے عظیم فٹبالر لیونل میسی نے 39 سال کی عمر میں بین الاقوامی فٹبال کو خیرباد کہنے کا اعلان کردیا۔ انٹر میامی سے 2028 تک معاہدہ رکھنے والے میسی نے پیر کو سوشل میڈیا پر اپنے فیصلے کی تصدیق کرتے ہوئے کہا کہ ان کے بین الاقوامی کیریئر کا باب اب اختتام کی جانب پہنچ چکا ہے۔ میسی نے ارجنٹائن کے لیے 207 میچز میں 125 گول کیے اور ملک کے سب سے زیادہ میچز کھیلنے والے اور ٹاپ اسکورر بنے۔ کلب اور ملک کو ملا کر ان کے گولز کی مجموعی تعداد 921 ہے۔ ان کے کیریئر کے یادگار لمحات میں 2007 میں ریال میڈرڈ کے خلاف ہیٹ ٹرک، گیٹافے کے خلاف شاندار انفرادی گول اور مانچسٹر یونائیٹڈ کے خلاف چیمپئنز لیگ فائنل میں ہیڈر شامل ہیں۔ 2012 میں انہوں نے ایک کیلنڈر ایئر میں 91 گول کرکے عالمی ریکارڈ قائم کیا جبکہ بارسلونا کے لیے 672 گولز کے ساتھ کلب کے آل ٹائم ٹاپ اسکورر بنے۔ ارجنٹائن کے ساتھ میسی نے بالآخر 2021 میں کوپا امریکا جیت کر اپنا پہلا بڑا بین الاقوامی ٹائٹل حاصل کیا۔ اس کے بعد 2022 کا ورلڈ کپ ان کے کیریئر کا سب سے بڑا سنگِ میل ثابت ہوا جب ارجنٹائن نے فرانس کو پنالٹی شوٹ آؤٹ میں شکست دے کر عالمی کپ اپنے نام کیا۔ میسی نے ورلڈ کپ میں سات گول کیے اور پلیئر آف دی ٹورنامنٹ قرار پائے۔ وہ مجموعی طور پر آٹھ بیلن ڈی اور ایوارڈز جیتنے والے ریکارڈ ہولڈر بھی ہیں۔ میسی نے 2006 سے 2026 تک چھ ورلڈکپ میں ارجنٹینا کی نمائندگی کی اور 21 گول کیے۔ All 21 goals Lionel Messi scored at the #FIFAWorldCup???????????? pic.twitter.com/tj1cDw3b9U — FIFA World Cup (@FIFAWorldCup) August 31, 2026 حالیہ عرصے میں والد کی وفات کے بعد میسی نے اپنے مستقبل پر غور کرنے کا عندیہ دیا تھا۔ اب ان کے اعلان کے ساتھ ہی دو دہائیوں پر محیط ارجنٹائن کے لیے ان کا شاندار سفر باقاعدہ طور پر اختتام پذیر ہوگیا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل