میکسیکو میں امریکا سے اسمگل ہونے والے ہتھیار پکڑے گئے، 3 افراد گرفتار

میکسیکو کے حکام نے ریاست نیوو لیون میں ایک ہائی وے آپریشن کے دوران 210 آتشیں ہتھیار قبضے میں لے کر تین افراد کو گرفتار کرلیا۔ حکام کے مطابق یہ ہتھیار امریکی ریاست ٹیکساس سے میکسیکو اسمگل کیے جارہے تھے۔ یہ کارروائی سبیناس ہیدالگو کے قریب Nuevo Laredo-Monterrey ہائی وے پر کی گئی۔ فیڈرل اٹارنی جنرل کے دفتر کی کرائم انویسٹی گیشن ایجنسی نے وزارتِ دفاع، بحریہ، سکیورٹی اداروں اور نیشنل گارڈ کے تعاون سے کارروائی انجام دی۔ میکسیکو کے سکیورٹی سیکریٹری عمر گارسیا ہارفچ کے مطابق گرفتار افراد مبینہ طور پر ہتھیار ٹیکساس سے میکسیکو لاکر انہیں جرائم پیشہ گروہوں تک پہنچانے کی کوشش کر رہے تھے۔ برآمد ہونے والے اسلحے میں 195 رائفلیں اور 15 پستول شامل ہیں جبکہ گولہ بارود کے میگزین بھی قبضے میں لیے گئے۔ En Sabinas Hidalgo, Nuevo León, elementos de la Agencia de Investigación Criminal de la @FGRMexico, en coordinación con @Defensamx, @SEMAR_mx, @SSPCMexico y @GN_MEXICO_, detuvieron a tres personas que transportaban desde Texas, Estados Unidos, un arsenal de alto poder destinado a… pic.twitter.com/DwMLc8goa3 — Omar H Garcia Harfuch (@OHarfuch) August 31, 2026 حکام کے مطابق صدر کلاڈیا شین بام کی حکومت کے دوران اب تک ضبط کیے گئے ہتھیاروں کی مجموعی تعداد 30 ہزار سے تجاوز کر چکی ہے۔ تازہ کارروائی کو میکسیکو میں جرائم پیشہ گروہوں تک غیر قانونی اسلحے کی رسد روکنے کی کوششوں کا حصہ قرار دیا جا رہا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل