سعودی عرب پر حوثیوں کے حملوں کے پیچھے ایران کا ہاتھ ہے، مارکو روبیو

امریکا کے سیکریٹری خارجہ مارکو روبیو نے ایران پر الزام عائد کیا ہے کہ یمن کے باغی حوثیوں کی جانب سے سعودی عرب ہونے والے حملوں کے پیچھے ایران کا ہاتھ ہے۔ امریکی اسٹیٹ ڈپارٹمنٹ کی جانب سے سماجی رابطے کی ویب سائٹ ایکس پر مارکو روبیو کی کولمبیا روانگی سے قبل گفتگو جاری کی ہے، جس میں انہوں نے الزام عائد کیا کہ سعودی عرب پر حوثیوں کے حملوں میں ایران ملوث ہے۔ انہوں نے کہا کہ حوثی کئی پہلوؤں سے ایران کے ایجنٹ اور پراکسی ہیں اور میرے خیال میں کسی حد تک یہ واضح ہے کہ اس میں ایران کا ہاتھ ہے۔ انہوں نے کہا کہ امریکا کے سعودی عرب کے ساتھ انتہائی گہرے دفاعی عسکری تعلقات ہیں اور ہم ان حملوں کا بہت قریب سے جائزہ لے رہے ہیں۔ SECRETARY RUBIO: The Houthis, in many ways, are agents and proxies of the Iranians. Behind some of this is clearly the Iranian hand. pic.twitter.com/eslg8olcAN — Department of State (@StateDept) September 8, 2026 خیال رہے کہ یمن میں حوثی گروپ انصاراللہ نے سعودی عرب کے مختلف شہروں پر حملے کیے، جس کے نتیجے میں خواتین اور بچوں سمیت 73 افراد زخمی ہوئے، ان حملوں میں ابہا، خمیس مشیط، نجران اور جازان اور دیگر علاقوں کو نشانہ بنایا گیا۔ حوثی گروپ نے سعودی عرب میں شہریوں کے علاوہ اقتصادی تنصیبات کو بھی نشانہ بنایا جبکہ سعودی اتحادی فورس نے دھمکی دی ہے کہ ان حملوں کا سخت جواب دیا جائے گا۔ سعودی عرب پر حوثیوں کے حملوں کی پاکستان اور اقوام متحدہ سمیت دیگر ممالک نے مذمت کی اور وزیراعظم شہباز شریف نے سعودی عرب کی حمایت کے عزم کا اظہار کیا۔ اقوام متحدہ کے سیکریٹری جنرل کے ترجمان کے متحدہ اونتونیو گوتریس نے مذمتی بیان میں کہا کہ سعودی عرب کے جنوبی علاقے میں تیل کی کئی تنصیبات پر سرحد پار سے ہونے والے حوثیوں کے حملوں کی مذمت کرتے ہیں۔ انہوں نے کہا کہ ان حملوں سے عام شہری اور توانائی کا انفرا اسٹرکچر متاثر ہوتا ہے اور ہمیں شہریوں کے متاثر ہونے پر انتہائی تشویش کا اظہار کرتے ہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل