پریذیڈنٹ ٹرافی گریڈ ون کے شیڈول کا اعلان، کئی قومی کرکٹر ایکشن میں نظر آئیں گے

پریذیڈنٹ ٹرافی گریڈ ون فرسٹ کلاس ٹورنامنٹ کے شیڈول اور اسکواڈز کا اعلان کردیا گیا۔ تفصیلات کے مطابق پریذیڈنٹ ٹرافی گریڈ ون آٹھ ڈیپارٹمنٹل ٹیموں کے مابین کھیلا جائے گا جس کا آغاز 12 ستمبر سے ہوگا۔ ٹورنامنٹ کے میچز پشاور، ایبٹ آباد، اسلام آباد اور راولپنڈی میں کھیلے جائیں گے۔ میچز عمران خان اسٹیڈیم پشاور، ایبٹ آباد کرکٹ اسٹیڈیم، ڈائمنڈ کرکٹ گراؤنڈ اسلام آباد اور شعیب اختر کرکٹ اسٹیڈیم راولپنڈی میں منعقد ہوں گے۔ ٹورنامنٹ میں سات راؤنڈ کھیلے جائیں گے، ہر رائونڈ میں چار فرسٹ کلاس میچز ہوں گے۔ ???? Eight-team President's Trophy Grade-I first-class tournament to be played across four cities ???? Tournament begins on 12 September with the five-day final set to start on 24 October ????️ ????Squads for all eight teams ➡️ https://t.co/2x2CJPIlcN#PresidentTrophy |… pic.twitter.com/cZTzMHgPRL — Pakistan Cricket (@TheRealPCB) September 10, 2026 ٹورنامنٹ میں 28 چار روزہ اور ایک پانچ روزہ فرسٹ کلاس میچ کھیلا جائے گا۔ ٹورنامنٹ کا فائنل ٹاپ دو ٹیموں کے درمیان 24 سے 28 اکتوبر تک کھیلا جائے گا۔ ٹورنامنٹ میں غنی گلاس، کے آر ایل، کنگز مین اکیڈمی، ایم آئی ٹی سلیوشنز، اوجی ڈی سی ایل، پی ٹی وی، ایس بی پی اور ایس این جی پی ایل کی ٹیمز شرکت کریں گی۔ ٹورنامنٹ میں کئی قومی کرکٹرز بھی ایکشن میں نظر آئیں گے جن میں شاہین شاہ آفریدی، فخر زمان اور افتخار احمد کے آر ایل کی نمائندگی کریں گے۔ صائم ایوب، سعود شکیل، محمد حریرا اور مہران ممتاز کنگزمین اکیڈمی، امام الحق او جی ڈی سی ایل، حارث رؤف پی ٹی وی، حسن علی اور محمد عباس ایس بی پی جبکہ شان مسعود، محمد رضوان اور عبداللہ شفیق ایس این جی پی ایل کی نمائندگی کریں گے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل