نائب امیر جماعت اسلامی لیاقت بلوچ نے ذرائع ابلاغ کی رپورٹس کو غلط قرار دے دیا

نائب امیر جماعت اسلامی لیاقت بلوچ نے امیر جماعت اسلامی حافظ نعیم الرحمان سے متعلق ذرائع ابلاغ کی رپورٹس کو غلط قرار دیتے ہوئے کہا ہے کہ انہوں نے پیٹرولیم لیوی میں 35 سے 40 روپے کمی کا مطالبہ نہیں کیا بلکہ لیوی اور دیگر ٹیکسز کی آڑ میں وصول کیے جانے والے 130 روپے سے زائد اضافی بوجھ کے مکمل خاتمے کا مطالبہ کیا تھا۔ لیاقت بلوچ نے کہا کہ ایک خاص ایجنڈے کے تحت امیر جماعت اسلامی سے منسوب لغو باتیں پھیلائی جا رہی ہیں جبکہ جماعت اسلامی گزشتہ ڈیڑھ ماہ سے زائد عرصے سے پیٹرولیم لیوی اور ٹیکسز کے نام پر بھتہ خوری کے خلاف دھرنے اور مارچ کر رہی ہے۔ انہوں نے کہا کہ وزیراعظم کی کال پر حافظ نعیم الرحمان نے پیٹرولیم لیوی کے مکمل خاتمے کا مطالبہ کیا تھا جس پر وزیراعظم نے وطن واپسی کے بعد بڑے ریلیف پیکج کا اعلان کرنے کی یقین دہانی کرائی تھی۔ نائب امیر جماعت اسلامی نے امید ظاہر کی کہ وزیراعظم اپنا وعدہ پورا کریں گے بصورت دیگر جماعت اسلامی ملتان سے اسلام آباد کی جانب سپر مارچ کرے گی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل