انگلینڈ ، چیک ریپبلک فٹبال مقابلہ؛ ہٹلر کی 50 ویں سالگرہ کی یادیں تازہ

نیشنز لیگ میں انگلینڈ اور چیک ریپبلک کے درمیان مقابلہ ایک ایسے تاریخی مقام کے قریب کھیلا جائے گا جہاں کبھی ایڈولف ہٹلر کی 50ویں سالگرہ کی تقریبات کا انعقاد ہوا تھا۔ چیک ریپبلک کے دارالحکومت پراگ کے فورٹونا ایرینا میں ہوگا۔ اس اسٹیڈیم سے تقریباً دس میل کے فاصلے پر واقع گریٹ اسٹرہوف اسٹیڈیم اپنے غیر معمولی ماضی کے باعث آج بھی تاریخ کے صفحات میں نمایاں ہے۔ اپنے عروج کے زمانے میں گریٹ اسٹرہوف اسٹیڈیم دنیا کے سب سے بڑے میدانوں میں شمار ہوتا تھا اور یہاں تقریباً 2 لاکھ 50 ہزار افراد کے بیٹھنے کی گنجائش تھی۔ 1933 میں اس مقام پر پہلی موٹرسائیکل اسپیڈ وے ریس بھی منعقد ہوئی۔ تاہم اس اسٹیڈیم کی تاریخ کا سب سے نمایاں اور تاریک باب اس وقت سامنے آیا جب ایڈولف ہٹلر نے اپنی 50ویں سالگرہ کی تقریبات کے سلسلے میں یہاں پریڈ کا انعقاد کیا۔ یوں پراگ کا یہ وسیع میدان کھیلوں کی سرگرمیوں کے ساتھ ساتھ نازی دور کی تاریخ سے بھی جڑ گیا۔ آج فورٹونا ایرینا سے گریٹ اسٹرہوف اسٹیڈیم کے آثار نظر آتے ہیں، جو اس بات کی یاد دہانی کراتے ہیں کہ موجودہ کھیلوں کے میدان کے قریب ہی یورپ کی تاریخ کا ایک اہم اور متنازع باب بھی موجود ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل