میر رضا کیس کی تحقیقات؛ حکومت سندھ نے انکوائری کمیشن کی مدت میں توسیع کردی

سندھ حکومت نے میر رضا علی کیس کی تحقیقات کرنے والے انکوائری کمیشن کی مدت میں توسیع کردی۔ وزیراعلیٰ سندھ سید مراد علی شاہ کی زیر صدارت صوبائی کابینہ کا اجلاس ہوا، جس میں میر رضا علی کی موت کی تحقیقات کے لیے قائم انکوائری کمیشن کی مدت میں توسیع کی منظوری دے دی گئی۔ سندھ کابینہ نے انکوائری کمیشن کی مدت 15 اکتوبر تک بڑھانے کی منظوری دی، جبکہ فیصلہ کیا گیا کہ مزید وقت درکار ہونے کی صورت میں جسٹس عمر سیال انکوائری جاری رکھ سکیں گے۔ کابینہ کو بریفنگ میں بتایا گیا کہ انکوائری کمیشن اب تک وسیع پیمانے پر کارروائی کرچکا ہے اور کمیشن کی جانب سے درجنوں گواہوں کے بیانات بھی قلمبند کیے جاچکے ہیں۔ بریفنگ میں مزید بتایا گیا کہ انکوائری کمیشن کو اپنی تحقیقات مکمل کرنے کے لیے مزید وقت درکار ہے، جس پر سندھ کابینہ نے مدت میں توسیع کی منظوری دے دی۔ انکوائری کمیشن کو تحقیقات کے نتائج اور سفارشات مرتب کرنے کے لیے بھی مزید مہلت دی گئی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل